აქციაში ”გაიღე სისხლი-გადაარჩინე სიცოცხლე” კლუბის ,,რა, სად, როდის“ ინტელექტუალები ჩაერთვებიან

საზოგადოება - 13:05, 30 Mar, 2013

548

თბილისის 199-ე საჯარო სკოლის (კომაროვის) სააქტო დარბაზში უმაღლესი ლიგის, პირველი, მეორე, მესამე და მეოთხე ლიგისა და ჩელენჯ-ლიგის მეორე ტური გაიმართება, მოთამაშეები პარალელურად უანგარო დონაციის აქციაში ჩაერთვებიან.

სისხლის გაღების მსურველთა ასაკი 18-დან 60 წლამდე განისაზღვრება. დონორი არ უნდა იყოს B და C ჰეპატიტის ვირუსის მატარებელი, ასევე ბოლო ათი წლის განმავლობაში არ უნდა ჰქონდეს გადატანილი A ჰეპატიტი (ბოტკინი), არ უნდა ღებულობდეს პრეპარატებს (ანტიბიოტიკი), არ უნდა ჰქონდეს მიღებული ალკოჰოლი ბოლო 24-36 საათის განმავლობაში.

სტატისტიკური მონაცემების თანახმად, საქართველოში 0-დან 18 წლამდე ასაკში ყოველწლიურად ლეიკემიის 40 ახალი შემთხევა ფიქსირდება. ბავშვების მკურნალობისათვის ძირითადად ქიმიოთერაპიის რამდენიმე კურსია საჭირო, შესაბამისად პაციენტთა კლინიკაში დაყოვნების პერიოდი 9 თვეს მოიცავს. ქიმიოთერაპიის კურსის შემდგომ თითქმის ყველა შემთხვევაში საჭირო ხდება სისხლის გადასხმა.
უანგარო დონაციის ფარგლებში იაშვილის კლინიკის სისხლის ბანკის მობილური ჯგუფები ადგილზე, იმუშავებენ.

მისამართი: თბილისი, საბურთალო, ვაჟა-ფშაველას გამზ.№49 (სკოლა მდებარეობს წმინდა ნინოს ეკლესიის უკან).