ჟურნალისტი ეკა კვესიტაძე დღევანდელი აცრების სტატისტიკას ეხმაურება და წერს, რომ პირადად ადანაშაულებს ექიმ-ინფექციონისტ გიორგი კანდელაკს, რომელმაც ვაქცინაციის საწინააღმდეგო პოსტი დაწერა.

„დღეს 17 ათასი ადამიანი აიცრა, მაშინ როცა წინა დღეებში აცრამ 25 ათასს გადააჭარბა. თუ აცრის პროცესი შენელდება, ამაში პირადად მე ბატონი კანდელაკის დიდ წვლილსაც დავინახავ და ახლა ნუ გამოხვალთ მისი კოლეგები და ნუ შეეცდებით ამ კაცის გამართლებას. ხოლო ვინც მისი დასაცავი სტატუსები დადეთ, ახლა მე მიპასუხეთ, რა ვუპასუხოთ ამ სასოწარკვეთილებაში ჩავარდნილ ქალს?“ - წერს ჟურნალისტი.

ეკა კვესიტაძემ გამოაქვეყნა ერთე-რთი ქალბატონის კომენტარი, სადაც ის აღნიშნავს, რომ გიორგი კანდელაკის სტატუსის წაკითხვის შემდეგ ინანა, რომ 19 წლის შვილს „ფაიზერის“ ერთო დოზა გაუკეთა.