ბოლნისის სოფელ ნახიდორში, ერთ-ერთ ჩაიხანაში "ქართული ოცნების" 50-მდე მხარდამჭერი თავს დაესხა "გაერთიანებული ოპოზიციის" აქტივისტებს და მათ ფიზიკურად გაუსწორდა. როგორც ცნობილია, სისხლიან დაპირისპირებაში უშუალო მონაწილეობას იღებდა „ოცნების“ დეპუტატობის კანდიდატის გოგი მეშველიანის ძმაც.

დაზარალებულების ახლობლები მეშველიანისგან ბოდიშის მოხდასა და კანდიდატურის მოხსნას ითხოვენ.

შეგახსენებთ, რომ ოპოზიციის წარმომადგენლების მიმართ ეს თავდასხმის პირველი შემთხვევა არ არის. ბოლო ორი კვირის განმავლობაში საარჩევნო შტაბსა თუ ოპოზიციის აქტივისტებზე ამ პარტიის წევრებზე იერიში უკვე მეხუთედ მიიტანეს.

მომხდარზე შსს-მ გამოძიება სსკ-ის 126-ე - ჯგუფურად ჩადენილი ძალადობის მუხლით დაიწყო.