რუს ფეხბურთელს თურქულ კლუბთან შეხვედრაში პუტინის გამოსახულებიანი მაისური ეცვა (ფოტო)

მსოფლიო - 14:19, 17 Feb, 2016

2690

მოსკოვის ლოკომოტივის ფეხბურთელი, დიმიტრი ტარასოვი, ევროპა ლიგაზე თურქულ "ფენერბახჩესთან" გამართულ შეხვედრაში, მოედანზე ვლადიმერ პუტინის გამოსახულებიანი მაისურით გამოვიდა.

შეხვედრა ფენერბახჩეს გამარჯვებით 2:0 დასრულდა. მატჩის დასრულებისას რუსმა ფეხბურთლემა სათამაშო მაისური გაიხადა. პუტინის პორტრეტს ქვემოთ წარწერა ჰქონდა დატანილი - "ყველაზე თავაზიანი პრეზიდენტი".

"პუტინი ჩემი პრეზიდენტია, მას პატივს ვცემ და გადავწყვიტე მეჩვენებინა, რომ ყველგან მის გვერდით ვარ და მხარს ვუჭერ. ამ მაისურზე ის წერია, რისი თქმაც მსურდა" - განაცხადა ტარასოვმა მატჩის შემდეგ.

გავრცელებული ინფორმაციით, ამ ფაქტს UEFA-ს სადისციპლინო კომიტეტი განიხილავს. რუს ფეხბურთელს 10 მატჩიანი დისკვალიფიკაცია, ხოლო მოსკოვის ლოკომოტივს კი გარკვეული სახის სანქციები ემუქრება.

ვინაიდა, UEFA-ს წესდების თანახმად, საფეხბურთო მატჩის დროს იდეოლოგიური, პოლიტიკური და რელიგიური ფორმის პროპაგანდა აკრძალულია.

აღნიშნულმა ფაქტმა თურქი გულშემატკივრების აღშფოთება გამოიწვია. თურქულმა გაზეთმა Yeni Safak-მა კი „პუტინის პროვიკაცია“ უწოდა იმ ფაქტს, რომელიც გუშინ თურქულ კლუბ „ფენერბახჩესა“ და რუსულ „ლოკომოტივს“ შორის მატჩის დროს მოხდა.

შეგახსენებთ, რუსეთსა და თურქეთს შორის ამჟამად დაძაბული პოლიტიკური ვითარებაა.