Apple-ი სან-ბერნარდინოს ტერორისტის ტელეფონის კოდის მოხსნაზე უარს აცხადებს

მსოფლიო - 13:39, 17 Feb, 2016

5154

კომპანია Apple სასამართლოს იმ გადაწყვეტილების გასაჩივრებას აპირებს, რომლის მიხედვითაც მას გამოძიების ფედერალური ბიუროს (FBI) მოთხოვნით სან-ბერნარდინოს ტერორისტის საიდ ფარუკის ტელეფონის კოდის მოხსნა და ტელეფონის მონაცემების მოპოვებაში დახმარება დაევალა. საიდ ფარუკმა და მისმა მეუღლემ ტაშფინ მალიკმა 2015 წლის 3 დეკემბერს, კალიფორნიის ქალაქ სან-ბერნარდინოში 14 მშვიდობიანი მოქალაქე მოკლეს და ოცზე მეტი ადამიანი დაჭრეს.

როგორც Apple-ის აღმასრულებელი დირექტორი ტიმ კუკი აცხადებს, შეერთებული შტატების მთავრობამ კომპანიას უპრეცენდენტო ნაბიჯის გადაგმა დაავალა, რომელიც კომპანიის მომხმარებლის დაცულობას საფრთხეს უქმნის.

„ჩვენ ვეწინააღმდეგებით ამ ბრძანებას, ვინაიდან ეს სამართებლივ ჩარჩოებს სცდება “ - განაცხადა კუკმა.

FBI-ს განცხადებით, ფარუკის ტელეფონში უმნიშვნელოვანესი ინფორმაცია ინახება. ხოლო პაროლის ათჯერ არასწორად შეყვანის შემთხვევაში, ტელეფონი ავტომატურად შლის ყველა მესიჯსა და ინფორმაციას.

გამოძიებამ Apple-ს,თხოვნით მიმართა , რომ მისმა ინჟინრებმა პაროლის შეყვანის ლიმიტი მოხსნან და შეიმუშაონ ისეთი პროგრამა, რომელიც ავტომატურ რეჟიმში, აკრიფავს ყველა შესაძლო კოდს.

ფედერალური ბიუროს ხელმღვანელის ჯეიმს კომის თქმით, ტერორისტი ცოლ-ქმარი ისლამისტების მიმდევრები იყვნენ.

სან-ბერნანდინოს ტერაქტს 2011 წლის 11 სექტემბრის შემდეგ ყველაზე დიდი ტერაქტი უწოდეს.