რატომ თქვა უარი რიანამ "გრემიზე" გამოსვლაზე ბოლო წუთებში

ეს საინტერესოა - 17:35, 16 Feb, 2016

2438

გუშინ ლოს-ანჯელესში „გრემის“ 58-ე დაჯილდოება გაიმართა. შოუში მონაწილეობა რიანას უნდა მიეღო, თუმცა ყველასთვის მოულოდნელად მომღერალი სცენაზე არ გამოჩენილა. გავრცელებული ცნობით, რიანა წინასწარ ჩაფრინდა ნიუ-იორკიდან ლოს ანჯელესში და რეპეტიციაც გაიარა, თუმცა მაგრამ ექიმის დაჟინებული მოთხოვნით ყველაფერი ბოლო წუთს გაუქმდა. როგორც დასავლური ტაბლოიდები წერენ, რიანას ბრონქიტი აქვს და დიდი საფრთხე იყო იმისა, რომ სიმღერისას მისი ხმის იოგები სერიოზულად დაზიანებულიყო. მომღერალმა მოგვიანებით თვითერზე ბოდიში მოიხადა და "გრემისა" და "სიბიესს" გვერდში დგომისთვის მადლობა გადაუხადა.

ცერემონიაზე მთავარი ნომინაციის გამარჯვებული ბრიტანელი მომღერალი ედ შერანი გახდა "წლის საუკეთესო სიმღერის" კატეგორიაში გამარჯვება "Thinking Out Loud"-ისთვის მოიპოვა. 3 ჯილდოს მოპოვება შეძლო ტეილორ სვიფტმა - „წლის საუკეთესო მუსიკალური კლიპი“ კენდრიკ ლამართან ერთობლივი კლიპის „Bad Blood“-ისთვის, ასევე მიიღო პრიზი „წლის ალბომი“ და „საუკეთესო პოპ-ალბომი“ „1989“-ისთვის. ტეილორ სვიფტი პირველი მომღერალი ქალი გახდა, რომელმაც „გრემი“ წლის ალბომისთვის ზედიზედ ორჯერ მოიგო.

ყველაზე მეტი ჯილდო რეპერმა კენდრიკ ლამარმა დააგროვა, მომღერალმა 5 ჯილდო მიიღო.