რუსეთი და ოპეკი შეთანხმდნენ, რომ ნავთობის მოპოვების მოცულობას არ გაზრდიან

მსოფლიო - 15:54, 16 Feb, 2016

2139

რუსეთი და ოპეკის სამი ქვეყანა შეთანხმდა, რომ ნავთობის მოპოვების მოცულობას არ გაზრდიან და იმ მოცულობით მოიპოვებენ, რა მოცულობაც 11 იანვარს დაფიქსირდა.

შესაბამის შეთანხმებას ყატარის დედაქალაქ დოჰაში, რუსეთისა და ოპეკის ქვეყნების ენერგეტიკის მინისტრების შეხვედრაზე მიაღწიეს.

„4 ქვეყნის - რუსეთის, საუდის არაბეთის, ყატარისა და ვენესუელას ენერგეტიკის მინისტრების შეხვედრისას შევთანხმდით, რომ ნავთობის მოპოვების მოცულობა 11 იანვრის მონაცემებზე გავყინოთ, თუკი ამ ინიცატივას სხვა მწარმოებელი ქვეყნებიც შეუერთდებიან“ - განაცხადა რუსეთის ენერგეტიკის მინისრტმა ალექსანდრ ნოვაკმა.

აღნიშნული გადაწყვეტილება ნავთობის ფასის შემცირების შეჩერებისკენ არის მიმართული.

ნავთობის ფასმა მკვეთრი ცვლილება გასული წლის სექტემბერში დაიწყო. ექსპერტების განცხადებით, ფასის ვარდნის ძირითად მიზეზად - ბაზარზე ნავთობის ჭარბი მიწოდება სახელდება. ერთ-ერთ მიზეზად აშშ-ისა და ოპეკის ქვეყნების, პირველ რიგში საუდის არაბეთთან „სანავთობო ომს“ უკავშირებენ.
გარდა ამისა, ერაყში ნავთობის მოპოვების მოცულობამ რეკორდული მაჩვენებელი შეადგინა, გუშინ კი საუდის არაბეთმა განაცხადა, რომ ნავთობის მოპოვების მოცულობის შემცირებაზე უარს არ იტყვის.