დაღესტანში , დერბენტის რაიონში პოლიციის საგუშაგოსთან მომდხარ ტერაქტზე პასუხისმგებლობა ექსტრემისტულმა დაჯგუფება "დაეშმა" ("ისლამური სახელმწიფო") აიღო. ამის შესახებ ინფორმაციას "ბიბისი" ავრცელებს.

აფეთქება მოხდა დერბეტის რაიონში დღს დილით მოხდა, რომლის შედეგადაც სამი პოლიციელი დაიღუპა, ექვსმა კი სხვადასხვა ხარისხის დაზიანებები მიიღო. აფეთქება მაშინ მოხდა, როდესაც პოლიციელებმა შესამოწმებლად ვაზ- 2109 მარკის ავტომობილი გააჩერეს. აფეთქების დროს აღნიშნულ საგუშაგოსთან იმყოფებოდა მცირე ზომის სამგზავრო ავტობუსიც, რომელიც აფეთქების შედეგად დაიწვა.

გავრცელებული ცნობით, თავდასხმა "ისლამური სახელმწიფოს" სახელით ჩრდილოკავკასიურმა დაჯგუფება "ვილაიათ კავკაზმა" განახორციელა.