ლეონარდო დიკაპრიოს დაჯილდოება კვლავ გრძელდება.

გუშინ ლონდონში ბრიტანეთის ფილმისა და ტელევიზიის აკადემიის დაჯილდოვება (BAFTA) გაიმართა. ფილმ "გადარჩენილში" ჰიუ გლასის როლის შესრულებისთვის ლეონარდო დიკაპრიომ საუკეთესო მამაკაცი მსახიობის ჯილდო კიდევ ერთხელ მოიპოვა. აღნიშნული როლისთვის ლეონარდოსთვის ეს 23–ე ჯილდოა.

აღსანიშნავია, რომ „რევენანტში“ შესრულებული როლისთვის სხვადასხვა ჯილდოებთან ერთად, ლეონარდო დიკაპრიომ უკვე მოიპოვა „ოქროს გლობუსი", კინომსახიობთა გილდიისგან მთავარი ჯილდო და ოსკარის ნომინაციაც დაიმსახურა. სცენარი ისე ვითარდება, სავარაუდოდ მსახიობი წელს ოსკარს დაეუფლება.

"ოსკარების" დაჯილდოება 28 თებერვალს გაიმართება.