რუსეთის პრეზიდენტის პრეს-სამსახურის ცნობით აშშ-ს პრეზიდენტ ბარაკ ობამასა და რუსეთის პრეზიდენტ ვლადიმერ პუტინს შორის სატელეფონბო საუბარი გაიმართა, რომლის თემაც უკრაინასა და სირიაში შექმნილი ვითარება იყო. სატელეფონო ზარფი ვაშინგტონიდან განხორციელდა.

როგორც პრეს-სამსახური იუწყება, ორივე პრეზიდენტმა მხარდაჭერა გამოუცხადა აღმოსავლეთ უკრაინაში ცეცხლის შეწყვეტასა და ჰუმანიტარული დახმარების აღმოცენის პროცესს.

პუტინმა გამოთქვა მოსაზრება, რომ აუცილებელია ერთიანი ანტიტერორისტული ცენტრის შექმნა სირიაში. ორივე პრეზიდენტი მზად არის აქტიურად დაუჭიროს მხარი მიუნხენში მხარდაჭერის სააერთაშორისო ჯგუფის მიერ მიღებულ განცხადებას.

პუტინმა ასევე განაცხადა, რომ უკრაინის ხელისუფლებამ თავად უნდა გადადგას ნაბიჯები და პირდაპირი დიალოგის რეჟიმი დაამყაროს დონბასის ორივე თვითგამოცხადებულ "რესპუბლიკის" ლიდერებთან და მიანიჭოს მათ საგანგებო სტატუსი.

ოფიციალურ ვაშინგტონს ჯერ პრეზიდენტების საუბრის შესახებ ინფორმაცია არ გაუვრცელებია.