ქალს მომაკვდავი ბავშვები სახლში მიჰყავდა... - ის, რასაც ჩვეულებრივი ადამიანები ვერ უძლებენ

ეს საინტერესოა - 17:31, 13 Feb, 2016

8648

ამერიკელი კორი სალჩერტი დიდი ხნის მანძილზე მუშაობდა ექთნად და პატარა ბავშებს უვლიდა, მაგრამ 5 წლის წინ თვითონ გახდა პაციენტი. სალჩერტს ხერხემალთან დაკავშრებით პრობლემები შეექმნა, ექიმებმა მისი გადარჩენა შეძლეს, თუმცა დაძაბული და ხანგრძლივი მუშაობა სასტიკად აუკრძალეს.

კორიმ გადაწყვიტა, პატარა პაციენტებს შეძებისდაგვარად დახმარებოდა. ეს ეხებოდა მძიმე სენით დაავადებულ ბავშვებს, რომლებიც მშობლებმა მიატოვეს.

„არანაირად არ ვადანაშაულებ მშობლებს, რომელმაც შვილებზე უარი თქვეს. ექთნად მუშაობისას მივხვდი, რამხელა ძალასა და ენერგიას ითხოვდა სასიკვდილო სენით დაავადებული ადამიანის მოვლა. ამიტომ ვიცი, რომ ჩვეულებრივმა ადამიანმა შეიძლება ვერ გაუძლოს ამხელა პასუხისმგებლობას. ბავშვები ხომ არ არიან დამნაშავე იმაში, რაც დაემართათ, ამიტომ გადავწყვიტე დავხმარებოდი მათ, რითიც შემეძლო" - ამბობს კორი.

2012 წელს კორიმ სახლში წამოიყვანა გოგონა , რომელიც თავის ტვინის ძლიერი დეფექტით დაიბადა. მშობლებმა ბავშვზე მისი დაბადებისთანავე უარი თქვეს, ისე, რომ მისთვის სახელიც არ დაურქმევიათ. კორიმ მას ემილინი დაარქვა და 50 დღის მანძილზე უვლიდა.

გოგონას სიკვდილის შემდეგ კორიმ და მისმა მეუღლემ მტკიცედ გადაწყვიტეს, რომ ამიერიდან მთელ ცხოვრებას სასიკვდილოდ განწირულ ბავშებზე ზრუნვას მიუძღვნიდნენ. მათ დააარსეს ბავშვთა სახლი, რომელსაც "იმედის სახლი" უწოდეს. აქ ხვდებიან მძიმე სენით დაავადებული ბავშვები, რომელთაც მშობლები არ ჰყავთ.

კორის დიდსულოვნება რიგითი მოქალაქეების ინსპირაცია გახდა, რომლებიც ყოველდღიურად მიდიან ბავშვთა სახლში და პატარებს შეძლებისდაგვარად ეხმარებიან.