ზურგის და მაჯის ტკივილი- როგორ უნდა ვუშველოთ ოფისში მუშაობით გამოწვეულ პრობლემებს

ჯანმრთელობა - 15:10, 13 Feb, 2016

5368

თუ თქვენ ახლა უყურებთ მონიტორს, სავარაუდოდ თქვენი თავი ცოტა დახრილია, დიდხანს ამ პოზაში ყოფნა კი თქვენი ხერხემლის კისრის ნაწილზე დაახლოებით 18 კილოგრამის დატვირთვას აძლევს.

თუ პირს, რომელიც კომპიუტერთან, ნოუთბუკთან მუშაობს ან უბრალოდ ტელეფონში იყურება ხერხემალიც მოხრილი აქვს მაშინ მთლიან ხერხემალზე დატვირთვა 100 კილოგრამამდე აღწევს. თქვენი ზურგისთვის უფრო ადვილია, ყუთები ზიდოთ, ვიდრე მთელი დღე ამ პოზაში, უძრავად გაატაროთ.

ჯდომის სწორი პოზის დროს ზურგი გასწორებული უნდა იყოს. თუ ბეჭები საზურგეს ეხება ეს ძალიან კარგი იქნება. კომპიუტერი ხელის გაწვდენის დაშორებით უნდა იდგეს, მისი ეკრანი თქვენი თვალის დონეზე ან 5-6 სანტიმეტრით დაბლა, ფეხები მართი კუთხით ტერფები მთლიანად იატაკზე უნდა გედგათ.

ოფისში მუშაობასთან დაკავშირებული გავრცელებული პრობლემაა ე.წ კომპიუტერის მაუსის სინდრომიც. როდესაც ჩვენ მაუსი გვიჭირავს ხელი მთლიანად უნდა იდოს მაგიდის ზედაპირზე ნახევრადმოხდილ მდგომარეობაში. მტევნის ნაწილი არ უნდა იყოს დაკიდებული მაგიდაზე, მაგრამ არც მთლიანად გასწორებული ხელი არ უნდა გვქონდეს, წინააღმდეგ შემთხვევაში ხელის არასწორი მდებარეობით დიდხანს მუშაობისას შესაძლოა განვითარდეს მაჯის გვირაბის სინდრომი, რაც ხელის და თითების დაბუჟებით გამოიხატება. გვირაბის, კარპულ სინდრომს ოფისში დასაქმებულთა სინდრომსაც უწოდებენ, რადგანაც ის ხშირად ემართებათ ადამიანებს, რომლებსაც კომპიუტერთან მუშაობისას მუდმივად უჭირავთ თაგვი, ანდა კლავიატურასთან მუშაობის გამო მტევანი ისეთ პოზიციაში უდევთ მაგიდის კიდეზე ან საკუთრივ კლავიატურაზე, რომ მაჯა სისტემატურად განიცდის ტრავმას, შუათანა ნერვი - მუდმივ ზეწოლას.