"მე არავის და არაფრის მეშინია" - მიხეილ სააკაშვილმა სამთავრობო დაცვაზე უარი განაცხადა

მსოფლიო - 12:26, 11 Feb, 2016

5211

ოდესის ოლქის გუბერნატორმა მიხეილ სააკაშვილმა პირად სამთავრობო დაცვაზე უარი განაცხადა. ამის შესახებ საქართველოს ექს პრეზიდენტი "ფეისბუკის" პირად გვერდზე წერს.
ოდესის გუბერნატორის თქმით, უკრაინის უშიშროების სამსახურის უფროსს ვასილი გრიცაკს თავისი გადაწყვეტილების შესახებ უკვე აცნობა და მისთვის დაცვად დანიშნული სპეცდანაყოფ „ალფას“ წარმომადგენლების უკან გაწვევა ითხოვა. "ალფაზე" უარის თქმით მიზეზად, მიხეილ სააკაშილმა „ბოლო დროს განვითარებული მოვლენები“ დაასახელა, თუმცა რას გულისხმობს არ დაუკონკრეტებია.

"ძალიან დიდი პატივს ვცემ და ვაფასებ „ალფას“ ბიჭების მუშაობას, რომლებიც მთელი ამ დროის განმავლობაში მიცავდნენ. ბოლო დროს განვითარებული მობლენების ფონზე, ოფიციალურად მივმართე უკრაინის უშიშროების სამსახურის უფროსს. მე არავის და არაფრის მეშინია. ამიერიდან ოდესაში და მთლიანად ქვეყანაში დაცვის გარეშე გადავაადგილდები.

მინდა, გულწრფელი მადლობა გადავუხადო ჩემი დაცვის წევრებს. ვიცი, რამდენად რთული იყო ჩემთამ მუშაობა ჩემი გრაფიკის, სისწრაფისა და გეოგრაფიული გადაადგილების გათვალისწინებით“ წერს სააკაშვილი.

უკრაინის ეროვნული უსაფრთხოების სამსახურში სააკაშვილის განცხადებაზე კომენტარი არ გაუკეთებიათ.