დევნილი აბიტურიენტები ინგლისურს უფასოდ ისწავლიან

საზოგადოება - 12:24, 29 Mar, 2013

302

მემორანდუმის საფუძველზე მიღებული მოსწავლის ოჯახის წევრები ასევე ისარგებლებენ 20% ფასდაკლებით. ცენტრი აბიტურიენტებს ტესტირების საფუძველზე მიიღებს. ტესტირება 15 აპრილიდან დაიწყება და 30 აპრილამდე გაგრძელდება.

ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს მხრიდან მემორენდუმს ხელი მოაწერა მინისტრის მოადგილე ნინო ჭავჭავაძემ, შ.პ.ს. დასავლეთ ევროპული ენების ცენტრი ,,კემბრიჯ ჰაუზის'' მხრიდან კი ცენტრის დირექტორმა გიორგი ბატიაშვილმა.

როგორც მინისტრის მოადგილემ - ნინო ჭავჭავაძემ აღნიშნა, დევნილი მოსახლეობის დასახმარებლად მსგავსი სოციალური ღონისძიებები გაგრძელდება: „დევნილთა სამინისტროს შემუშავებული აქვს სხვადასხვა პროექტი დევნილი ახალგაზრდების დასახმარებლად. დღევანდელი ჩვენი შეთანხმება დაეხმარება სოციალურად დაუცველ დევნილებს ინგლისური ენის შესწავლაში, განსაკუთრებით ეს მნიშვნელოვანია აბიტურიენტებისთვის, სულ რამოდენიმე თვე დარჩა გამოცდებამდე და იმედია, ცენტრი მათ სერიოზულ დახმარებას გაუწევს. დაინტერესებულ აბიტურიენტებს შეუძლიათ მოგვმართონ სამინისტროშო".
ტესტირებისთვის აბიტურიენტები უნდა მიბრძანდნენ ,,კემბრიჯ ჰაუზში", რომელიც მდებარეობს ბახტრიონის ქ. 26-ში.