მოსკოვის მერის სერგეი სობიანინის ბრძანებით 9 თებერვალს ღამით მასიურად იქნა დანგრეული მცირე მეწარმეთა მფლობელობაში მყოფი სავაჭრო პავილიონები, სობიანინის განმმარტებით, ეს პავილიონები, რომლებიც რუსეთის დედაქალაქს აუშნოებდნენ და ანტისანიტარიის კერად იყო გადაქცეული, ძირითადად გასული საუკუნის 90-იან წლებში აშენდა იმდროინდელი ჩინოვნიკების უკანონო ნებართვის შედეგად.

პავილიონების დაზარალებული მეპატრონეები აცხადებენ, რომ მათ აქვთ ვაჭრობის ნებართვა და კეთილსინდისიერად გაიარეს ყველა საჭირო პროცედურა.

ჯერჯერობით უცნობია, აუნაზღაურდებათ თუ არა მათ ზარალი, ან რა შენობები დაიკავებს მათ ადგილს.