ინდოეთში, მეტეორის ჩამოვარდნას ხანდაზმული მამაკაცი ემსხვერპლა.

როგორც „როიტერსი“ იტყობინება, მეტეორი ერთ-ერთი კოლეჯის შენობას დაეცა. მამაკაცი კი კოლეჟის ბაღში იმყოფებოდა და მძიმედ დაშავდა. ის საავადმყოფოში მიყვანამდე გარდაიცვალა. მეტეორის ჩამოვარდნის შედეგად დაშავდა 2 სტუდენტი და მებაღეც.

გარდაცვლილი ავტობუსის მძღოლი იყო.

სამეცნიერო პუბლიკაცია International Comet Quarterly წერს, რომ ეს ბოლო 200 წლის განმავლობაში მეტეორისგან დაღუპული ადამიანის პირველი შემთხვევაა. ბოლოს მეტეორის ჩამოვარდნას მსხვერპლი 1825 წელს მოყვა.