საქართველოს თავდაცვის სამინისტროს ცნობით, მარათონი საერთაშორისო ორგანიზაცია "Achilles International“-ის ეგიდით ჩატარდა და რიგითმა თემურ დადიანმა 26.2 მილი საათსა და 41 წუთში დაფარა.

რიგითი თემურ დადიანი საქართველოს შეიარაღებული ძალების III ქვეითი ბრიგადის საარტილერიო ბატალიონში მსახურობს. ავღანეთის საერთაშორისო მისიაში დაჭრის შემდეგ, ქართველი სამხედრო რეაბილიტაციის კურსს აშშ-ში, სან-დიეგოს რეაბილიტაციის ინსტიტუტში, ალვარადოს სამედიცინო ცენტრში გადის.

აშშ-ში რეაბილიტაციის კურსის გავლის პარალელურად, თემურ დადიანი სისტემატიურად მონაწილეობს რეკრეაციული თერაპიის მიერ ორგანიზებულ სპორტის სხვადასხვა სახეობის ტურნირებში - ეტლის კალათბურთი, სერფინგი, ფარიკაობა, მშვილდოსნობა, თხილამურებზე სრიალი, გოლფი, ჩოგბურთი და ცეცხლსასროლი იარაღიდან სროლა.

რიგითი თემურ დადიანი საქართველოში აპრილის ბოლოს დაბრუნდება. სან-დიეგოს სამედიცინო ცენტრში რეაბილიტაციის კურსის დასრულების შემდეგ, ქართველი სამხედრო მოსამსახურე საქართველოს შეიარაღებულ ძალებში გააგრძელებს მსახურს.