ალეპოსთან, რუსეთის ავიაციის მიერ მხარდაჭერილი სირიის სახელისუფლო არმიის მიერ წარმოებული საომარი მოქმედებების შედეგად იზრდება რეგიონიდან იძულებით გადაადგილებულთა რიცხვი. 5-6 თებერვლის განმავლობაში ლტოლვილთა დიდი რაოდენობა მიაწყდა თურქეთის საზღვარს და ქვეყნის ტერიტორიაზე შესვლას ითხოვს.

დღეისათვის საზღვართან 35 000-ზე მეტიუ სირიელია. ევროკავშირის საგარეოპოლიტიკური უწყების ხელმძღვანელი ფედერიკა მოგერინი თურქეთის ხელისუფლებას მოუწოდებს, შეუშვას ლტოლვილები მის ტერიტორიაზე, თუმცა, ანკარა ჯერჯერობით გადაწყვეტილების მიღებას არ ჩქარობს.

სასაზღვრო პროვინციის გუბერნატორი კილის სულეიმან თარსიზის განცხადებით, ლტოლვილები უზრუნველყოფილები არიან საკვებითა და პირველადი მოხმარების საგნებით, შესაბამისად მათიქვეყანაში შემოსვლა აუცილებლობას არ წარმოადგენს. აღსანიშნავია, რომ თურქეთი ისედაც პირველ ადგილზეა სირიელი ლტოლვილების განთავსების საკითხში - მან 2,5 მილიონი ადამიანი დაასახლა თავის ტერიტორიაზე.