საგარეჯოელმა ქალმა პოლიციელები სცემა და დამატებითი ეკიპაჟი გამოიძახეს (ვიდეო)

საზოგადოება - 16:59, 28 Mar, 2013

11689

გილიგაშვილების ოჯახში ყვებიან, რომ საგარეჯოდან შვილიშვილის სანახავად ჩასული ბებიის რისხვას ძლივს გადაურჩნენ. მას შემდეგ, რაც მოხუც ქალბატონს პატარა შვილიშვილი სახლში არ დახვდა, ოჯახის წევრებს სიტყვიერი და ფიზიკური შეურაცხყოფა მიაყენა.
თვითმხილველები აღნიშნავენ, რომ ქალბატონი მთვრალი იყო:

"სამოცდაათი წლის ქალია და ხუთი ქალი ცემა. ისეთი წიხლი ჰკრა პოლიციელს რომ კედელს მიანარცხა. პოლიცია რომ ვერაფერს გახდა, წავიდნენ და ფსიქოლოგი მოიყვანეს", - აღნიშნავს თითმხილველი.

მოხუცის დამშვიდება მეზობლებმაც სცადეს, მაგრამ მათ ქალბატონმა სიტყვიერი და ფიზიკური შეურაცხყოფა მიაყენა, რის გამოც სხეულზე დაზიანებები მიიღეს.

ერთერთი თვითმხილველი აღნიშნავს: "მე ვერ მცემა, მაგრად დავუდექი და იმიტომ, მე არ ვიცი ეგ რა ქალი იყო, თუ საქართველოს კიდევ ჰყავს ეგეთი ქალები... ლიანას მკლავში ესროლა "კრუშკა", მარინეს ჰკრა ხელი და კდელზე მიანარცხა, მეზობელს რომ არ დაეჭირა კიბეს დაარტყამდა თავს და ეს ქალი დღეს მკვდარი იქნებოდა".

ოჯახში კამათი ხუთ საათზე მეტხანს გაგრძელდა. ქალბატონის დამშვიდება რომ ვერ მოხერხდა, პატრულმა დამატებითი ეკიპაჟი გამოიძახა.
როგორც მედიცინის წარმომადგენლები იუწყებიან, ქალბატონები ამ კონკრეტულ შემთხვევაში ფსქიური აშლილობის ქვეშ იმყოფებოდა, მაგრამ იგი არ არის შეურაცხადი.

გურჯაანის პოლიციის უფროსი აღნიშნავს, რომ მოხუც ქალბატონს გაფრთხილება მისცეს.

წლებია, ბებია ცოლ-ქმარს მშობლის სტატუსის ჩამორთმევით ემუქრება. მიუხედავად იმისა, რომ მშობლები შეზღუდული შესაძლებლობისანი არიან, სასამართლომ ბავშვის აღზრდა მათ დააკისრა. მშობლები ამბობენ, რომ ამ ინცინდენტის შემდეგ, ბებიას შვილიშვილის ნახვის უფლებასაც აღარ მისცემენ.

შენიშვნა: წერილს თან ერთვის ტელეკომპანია "გურჯაანის" მიერ მომზადებული სიუჟეტი მომხდართან დაკავშირებით