შუმახერის ფანებს მნიშვნელოვან ინფორმაციას უმალავენ

შუმახერის ფანებს მნიშვნელოვან ინფორმაციას უმალავენ - მრბოლელის მდგომარეობა გაუარესდა

ეს საინტერესოა - 13:33, 05 Feb, 2016

3756

მედიაში გავრცელებული ცნობა, ლეგენდარული მრბოლელის, „ფორმულა 1-ის“ შვიდგზის მსოფლიო ჩემპიონს მიხაილ შუმახერსი ჯანმრთელობის მდგოამრეობის გაუმჯობესების შესახებ, როგორც ჩანს, სიმართლეს არ შეესაბამება. ფორმულა ერთის ფერარის გუნდის ყოფილმა პრეზიდენტმა ლუკა დი მონტეძემელომ განაცხადა, რომ შუმახერის, ჯანმრთელობის მდგომარეობა უკეთესობისკენ არ იცვლება.

"მიხაილ შუმახერის ჯანმრთელობის მდგომარეობის შესახებ ახალი ინფორმაცია მაქვს, თუმცა სამწუხაროდ ეს კარგი არ არის" - განაცხადა მონტეზემელომ. როგორც "როიტერი" იტყობინება, მონტეზემელომ შუმახერის ჯანმრთელობის მდგომარეობის დეტალებზე არ ისაუბრა.

46 წლის შუმახერის ჯანმრთელობის მდგომარეობის შესახებ მხოლოდ ის არის ცნობილი, რომ საწოლს მიჯაჭვული აღარ არის და სკამზე ჯდომა შეუძლია. ნათესავების განცხადებით, მიუხედავად იმისა, რომ სპორტსმენი ვერ მეტყველებს, სახის მიმიკებით გამოხატავს, რომ ახლობლებს ცნობს.

გავრცელებული ცმობით, სპორტსმენმა კრიტიკულ წონას მიაღწია და 174 სმ-ის შუმახერი ამჟამად 45 კილოგრამს იწონის.

2013 წლის დეკემბერში თხილამურებით სრიალის დროს მიღებული თავის ტრავმის გამო ავტომრბოლელი 6 თვე კომაში იმყოფებოდა. კომიდან გამოსვლის შემდეგ რეაბილიტაციის კურსს გადის. 2014 წლის დეკემბერში შუმახერი კლინიკიდან გაწერეს და მკურნალობას ჟენევაში, საკუთარ ვილაში განაგრძობს. მისი მკურნალობის ხარჯებმა 10 მილიონ ფუნტს გადააჭარბა.