"ზიკას" ვირუსი გავრცელებას განაგრძობს. პირველად ევროპის ტერიტორიაზე ვირუსის შემთხვევა ორსულ ქალზე დაფიქსირდა. ინფიცირებული ესპანელი ორსული ქალია, რომელიც ცოტა ხნის წინ დაბრუნდა კოლუმბიიდან, სადაც სავარაუდოდ, მას ვირუსი დაემართა.

ჯანდაცვის მსოფლიო ორგანიზაცია რეკომენდაციით გამოდის, იმ დონორების სისხლი, რომლებიც ცოტა ხნის წინ დაბრუნდნენ სამხრეთ ამერიკის კონტინენტიდან, არ ჩაიბარონ.

ვირუსის გამო საგანგებო მდგომარეობა გამოცხადდა ფლორიდის შტატში, სადაც უკვე 12 შემთხვევა ფიქსირდება. აშშ-ში ასევე ვისურის სქესობრივი გზით გადადების შემთხვევაც დაფიქსირდა.

როგორც ცნობილია, ვირუსი კოღოების მიერ ვრცელდება. ვირუსი აფრიკიდან და აზიიდან სამხრეთ ამერიკაში 2015 წელს შევიდა და სწრაფად გავრცელდა. განსაკუთრებით მძიმე ვითარებაა კოლუმბიასა და ბრაზილიაში , სადაც დაახლოებით 3-იდან 4 მილიონამდე ადამიანია ინფიცირებული. ვირუსი დაფიქსირდა ევროპაშიც - დანიაში, გერმანიასა და ავსტრიაში.

არსებობს დიდი საფრთხე იმისა, რომ ვირუსით დაავადებული ახალშობილები მიკროცეფალიით (თავის არაპროპორციულად პატარა ზომა) იბადებიან.