სამტის მიზანია გამოცდილებისა და აზრთა გაზიარება სხვადასხვა მხარეს შორის, პარტიათაშორისი თანამშრომლობის წახალისება და რაც მთავრია, ქალთა როლის გაზრდა პოლიტიკურ ცხოვრებაში.

სამიტს ესწრებოდნენ როგორც პოლიტიკოსი, ასევე აქტიური ახალგაზრდა ქალბატონები. სამიტი გახსნეს აშშ-ს ელჩმა საქართველოში, რიჩარდ ნორლანდმა, საერთაშორისო რესპუბლიკური ინსტიტუტის საქართველოს ოფისის ხელმძღვანელმა, ანდრეა ქერბსმა და საქართველოს ვიცესპიკერმა, მანანა კობახიძემ.

სამიტზე განიხილეს შემდეგი თემები: 1) როგორ ვიყოთ პარტიის სპიკერი 2) საარჩევნო კამპანია - სირთულეები ქალბატონი კანდიდატებისთვის 3) ქალბატონები ხელისუფლებაში - საერთაშორისო გადასახედიდან.

სამიტის ფარგლებში ქართველმა ქალმა პოლიტიკოსებმა შეაფასეს აღნიშნული ღონიძიება.

ჩიორა თაქთაქიშვილის თქმით, მსგავსი ღონისძიებები აუცილებელია ქვეყნის დემოკრატიულობის განსამტკიცებლად. ხიდაშელი კი აღნიშნავს, რომ მსგავსი ღონისძიება აუცილებელია პოლიტიკურ და საზოგადოებრივ ცხოვრებაში ქალის აქტიური მონაწილეობისთვის.

როგორც "ნიუპოსტთან" საუბრისას ანდრეა ქერბსმა განაცხადა,IRI-ს მიერ ორგანიზებული სემინარი მნიშვნელოვანია პოლიტიკოსი და აქტიური ქალბატონებისთვის ქვეყნის საზოგადოებრივ და პოლიტიკურ ცხოვრებაში ჩასაბმელად.

"ამ სემინარით ვცდილობთ ინტეგრირება მოხდეს სხვადასხვა პოლიტიკური პარტიების ქალ პოლიტიკოსებს შორის. იმიტომ, რომ მათ შეძლონ სხვადასხვა თემებზე დიალოგების წარმოება და შედეგად, კონსესუსის მიღწევა. ამავდორიუად, მსგავსი სამიტი საშუალებას აძლევთ ქალბატონებს საკუთარი უფლებებისა და შესაძლებლობების განმტკიცებაში", - განაცხადა ქერბსმა.