გათხოვებაზე უარის გამო ჩადენილი სასტიკი შურისძიება

ეს საინტერესოა - 12:30, 02 Feb, 2016

12646

ინდოელი ლაკშმი აგარვალი ერთ ჩვეულებრივ ოჯახში გაიზარდა. განსაკუთრებული სილამაზით ბავშვობიდან გამოირჩეოდა. 15 წლის ასაკში კი მისი ცხოვრება რადიკალურად შეიცვალა.

ლაკშმის მისი კლასელის ძმამ, 32 წლის ნაჰიმ კჰანმა ცოლობა სთხოვა, რაზეც გოგონამ უარი უპასუხა. განრისხებულმა მამაკაცმა შურისძიების მიძზით გოგონას სახეში მჟავა შეასხა.

„რაც პირველად ვიგრძენი, საშინელი სიცივე იყო. შემდეგ კი ვგრძნობდი, თითქოს ჩემი კანი დნებოდა“ - იხსენებს ლაკშმი.

საბედნიეროდ, თვალებზე ხელის აფარება მოასწრო, რითაც დაბრმავებას გადაურჩა.

გოგონამ 10 კვირა საამავდმყოფოში გაატარა. გოგონას ოთხმოცამდე ოპერაცია ჩაუტარდა და საბედნიეროდ გადარჩა, თუმცა ექიმებმა მისი სილამაზის დაბრუნება ვერ მოახერხეს.

8 წლის განმავლობაში გოგონა სახლიდან არ გასულა. ცხოვრების ჩვეულ რიტმს კი ინტერნეტის საშუალებით დაუბრუნდა, სადაც უამრავი მისნაირი ქალი გაიცნო. ინდოეთში ოფიციალურად ყოველწლიურად 1000-მდე შემთხვევა ფიქსირდება.

ლაკშმის ქალთა უფლებების დასაცავად აქტიური ბრძოლა დაიწყო და ყურადღებაც მალევე მიიპყრო. გარშემო შემოიკრიბა ქალები, რომლებიც მის მსგავსად საზარელი შემთხვევის მსხვერპლნი გახდნენ. ლაკშმი საზოგადოებრივ ცხოვრებაში კვლავ ჩაერთო. ტანსაცმლის ცნობილმა ბრენდის Viva N Diva-სგან წინადადებაც კი მიიღო. კომპანიამ შესთავაზა მისი სახე გამხდარიყო.

გარდა ამისა, ლაკშმიც პირადი ცხოვრებაც დაულაგდა. ის ცოლად გაჰყვა ორგანიზაცია „შეწყვიტე მჟავით თავდასხმების“ ერთ-ერთ აქტივისტს ალოკ დიკშიტს. წყვილს გოგონა შეეძინა.

ლაკშმი გახდა მაგალითი ყველა ქალისთვის. 2014 წელს მიშელ ობამამ მამაცი ქალების საერთაშორისო ჯილდოთი 10 ქალბატონი დააჯილდოვა, მათ შორის, 24 წლის ლაკშმიც იყო.