NATO-მ რუსული აგრესიის საპასუხო ოპერაციების დაგეგმვა დაიწყო

პოზიცია - 14:56, 01 Feb, 2016

3266

NATO რეალურად ემზადება რუსული აგრესიის მოგერიებისთვის. NATO -ს წევრი ქვეყნების თავდაცვის მინისტრები უახლოეს დღეებში შეიკრიბებიან, რათა განსაზღვრონ ახალი ოპერატიული ოპერაციები, რუსული აგრესიის შემთხვევაში მისი მოგერიების მიზნით. ამის შესახებ წერს Deutsche Welle. კერძოდ, მინისტრები გეგმავენ რეაქციის მოდელირებას NATO -ზე აღმოსავლეთიდან თავდასხმის შემთხვევაში.

გამოცემა NATO -ს პრესმდივნის ციტირებასაც ახდენს: ,,თავდაცვის მინისტრები შეიმუშავებენ კრიზისულ მენეჯმენტს. სიმულაციის დროს თავდაცვის მინისტრებმა დროის დეფიციტის პირობებში, უნდა გადაწყვიტონ NATO -ს რეაგირება, მათ შორის სახმელეთო ძალების განლაგების ნაწილშიც“ - განაცხადა Deutsche Welle საუბარში ჩრდილოატლანტიკური ალიანსის წარმომადგენელმა. განსაკუთრებული მნიშვნელობა ენიჭება ამ ღონისძიებას იმის გამო, რომ თავდაცვის მინისტრები დიდ ნაწილს დაუთმობენ ნატო-ს რეაგირებას ჰიბრიდული საომარი სცენარების განხორციელების შემთხვევაში. დაახლოებით ისეთი, როგორიც იყო განხორციელებული რუსეთის მხრიდან ყირიმის ანექსიის დროს.

აღსანიშნავია, რომ სიმულაციის მიმდინარეობისას, რუსეთი არ იქნება მოხსენიებული როგორც აგრესორი, თუმცა ჰიბრიდული ომების მთავარი მწარმოებელი, ყველასათვის გასაგებია, რომ არის რუსეთი. სიმულაცია ჩატარდება 11 თებერვალს NATO -ს ქვეყნების თავდაცვის მინისტრების ორდღიანი შეხვედრის ბოლოს. ასეთი გადაწყვეტილება NATO -ში იქნა მიღებული იმის გამო, რომ ბევრი წევრი ქვეყნების მხრიდან, იყო სურვილი რეალობასთან მიახლოებულ პირობებში ენახათ NATO -ს საპასუხო რეაქციების მექანიზმის მუშაობა აგრესიის პირობებში. აღსანიშნავია, რომ მსგავსი სიმულაციები, 2015 წელს უკვე ორჯერ ჩატარდა გასაიდუმლოებულ პირობებში. მათ შორის გაზეთი აღნიშნავს, რომ თურქეთის პრემიერ-მინისტრმა გააკეთა განცხადება რუსეთის მხრიდან მორიგი პროვოკაციის შესახებ. თურქეთი აფრთხილებს რუსეთს, რომ ის არ შეეგუება რუსეთის მხრიდან საჰაერო სივრცის დარღვევას: ,,მე მინდა გავაფრთხილო რუსეთი, მისი პოზიცია სირიის ზომიერი ოპოზიციის მიმართ არის მცდარი. რუსეთის გარძელებს ჩვენი საზღვრების დარღვევას. ის ბომბავს მშვიდობიან მოსახლეობას. ეს მოქმედებები საბოლოო ჯამში არ იქნება რუსეთის სასარგებლოდ. ის მეტწილად საზიანო იქნება. თანამედროვე მსოფლიოში შეუძლებელია რამე დაფარო. არის საზღვრების დარღვევა? - ის ფიქსირდება, და თუ არ ხდება საზღვრების დარღვევა, მისი დაბრალება შეუძლებელია. მართალია საჰაერო სივრცე რუსეთმა ელვისებური სისწრაფით დაარღვია, მაგრამ ის იქნა დაფიქსირებული NATO -ს რადარების მიერ. ჩვენ არ ვქმნით დაძაბულობას, პირიქით ჩვენ მოუწოდებთ რუსეთს დაიცვას საერთაშორისო ვალდებულებები. რუსეთის ყველა მოქმედება მიანიშნებს მის არაკეთილმოსურნე განზრახვებზე“.