პოლიეთილენის პარკიან ბიჭუნას ლიონელ მესი შეხვდება და მას ოცნებას აუხდენს.

როგორც ბრიტანული მედია იტყობინება, ავღანეთის ფეხბურთის ფედერაციის თქმით, მათ უკვე მიიღეს წერილი ლიონელ მესისგან, რომელიც ბიჭუნასთან შეხვედრის სურვილს გამოთქვამს. შეხვედრის დროსა და ადგილზე მოლაპარაკებები მიმდინარეობს.

5 წლის ავღანელი ბიჭუნა, მურთაზა აჰმადი ლიონელ მესის ყველაზე პოპულარული ფანია. ჯერ კიდევ უცნობი ბიჭის ფოტომ ინტერნეტი მაშინ ააფეთქა, როდესაც ის პოლიეთლილენის პარკის მაისურით გამოჩნდა, რომელსაც ზედ ფლომასტერით მესი ეწერა.

რამდენიმე დღის განმავლობაში ინტერსივრცის მომხმარებლები მთელი მფოფლიოდან პატარა ბიჭნას ეძებდნენ, რათა მისთვის მესის ნამდვილი მაისური ეჩუქებინათ. პატარა ბიჭის ფოტომ თავად ფეხბურთელამდეც მიაღწია. მესიმ თვითერზე დაწერა, რომ ბიჭს ეძებდა. ბიჭუნა ავღანეთში იპოვეს.

მურთაზას პოპულარობის შესახებ მისმა ოჯახმა მას შემდეგ შეიტყო, რაც ინტერნეტში გავრცელებულ სურათზე მისმა ბიძამ აზიმ აჰმადმა თავის ძმისშვილი ამოიცნო. მურთაზას მამის თქმით, მას საშუალება არ ჰქონდა შვილისთვის მესის მაისური ეყიდა. ამირომ მურთაზასთვის უფროსმა ძმამ პოლიეთილენის პარკისგან ფეხბურთელის მაისური შექმნა.