სირიის ოფიციალური მედიის ცნობით, 2 აფეთქების შედეგად, 30 ადამიანი დაიღუპა შიიტურ მეჩეთ საიიდა ზეინაბთან, რომელიც დამასკოს სამხრეთით მდებარეობს.ათეულობით მლოცველი დაჭრილია.

ეს ერთერთი უდიდესი სიწმინდეა, რომელსაც პატივს შიიტი მუსულმანები სცემენ. მასში დაკრძალულია მუჰამედის ბიძაშვილის შვილი, საიიდა ზეინაბი. მეჩეთი, რომელიც არაერთხელ გამხდარა თავდახმის ობიექტი, გასული წლის თებერვალში იქნა რესტავრირებული.

აღსანიშნავია, რომ აფეთქება ზუსტად იმ დროს განხორციელდა, როდესაც სირიის სამთავრობო და ოპოზიციური დელეგაციები ჟენევაში სამშვიდობო მოლაპარაკებების დაწყებისთვის შეიკრიბნენ.

დადგენილია, რომ პირველად მეჩეთთან მდგომი ავტომობილი აფეთქდა.