ბუნდესტაგის წინააღმდეგ კიბერშეტება რუსულმა სპეცსამსახურებმა განახორციელეს

მსოფლიო - 21:00, 30 Jan, 2016

1606

გერმანიის უშიშროების სამსახურებმა გააკეთეს განცხადება, რითაც დასტურდება, რომ 2015 წელს განხორციელებული კიბერშეტევები ბუნდესტაგზე იყო რუსულ სპეცსამსახურებში დაგეგმილი და განხორციელებული. ამის შესახებ ინფორმაციას Deutcshe Welle Der Spiegel-ზე დაყრდნობით ავრცელებს.

გამოცემის ინფორმაციით, ჰაკერები, რომლებმაც მაისის თვეში განახორციელეს ბუნდესტაგის კომპიუტერულ სისტემაში შეღწევა, კრემლის დავალებით მოქმედებდნენ. სოწრედ, რომ კვალის ასარევად ავრცელებდა რუსული პროპაგანდა გასულ წელს, კიბერშეტევების პარალელურად, ინფორმაციას, რომ ასეთი ოპერაციების ორგანიზატორი იყო ,,ისლამური სახელმწიფო“.

Deutcshe Welle ხაზს უსვამს, რომ შეტევა ბუნდესტაგსა და გერმანიის სამხედრო მნიშვნელობის საწარმოებზე და აგრეთვე ნატო-ს სხვა წევრი ქვეყნების კომპიუტერულ სისტემებზე, გასულ წელს ხორციელდებოდა ერთი და იგივე სცენარით.

2016 წლის 15 იანვრიდან, კარლსრუეს პროკურატურის მიერ მიმდინარეობს გამოძიება გერმანიის წინააღმდეგ განხორციელებული ჯაშუშური მოქმედებისთვის.

გასული წლის კიბერშეტევის ფარგლებში, რუსეთის სპეცსამსახურებმა მოახერხეს წვდომა გერმანიის 14 სერვერზე, რომელთა შორის არის ყველაზე მთავარი სერვერი, რომელიც ინახავს მაქსიმალურ ინფორმაციას გერმანიის პარლამენტის სისტემაში წვდომასთან დაკავშირებით.

თუ რა ინფორმაციის მოპარვა მოახერხეს ჰაკერებმა ჯერ-ჯერობით უცნობია.