ამერიკელი მსახიობისა და რეჟისორის მორგან ფრიმენის გარდაცვალების შესახებ ინფორმაცია ქართულმა საინფორმაციო სააგენტოებმა გუშინ გაავრცელეს.

საბედნიეროდ, ინფორმაცია მცდარი აღმოჩნდა.

როგორც აღმოჩნდა წყარო, ინგლისური სააგენტო იყო, რომელმაც სტატია გამოაქვეყნა შემდეგი სათაურით: „რატომ მოკლეს მორგან ფრიმენი 2016 წელს“.

როგორც სტატიაშია საუბარი, უცნობმა წყარომ გასულ კვირას მსახიბის გარდაცვალების ჭორი გაავრცელა, რაც ტყუილი აღმოჩნდა.

„შემაშფოთებელია ამბავი, რომ მორგან ფრიმენი გარდაიცვალა. დადასტურდა, რომ მსახიობი ცოცხალია და მის ჯანმრთელობას საფრთხე არ ემუქრება. ჭორმა კი, მსახიობის მილიონობით გულშემატკივარს გული დასწყვიტა“ - წერს Mediamass-ი.

შეგახსენებთ, გუშინ გავრცელებული ინფორმაციის თანახმად, მსახიობი ლოს-ანჯელესის ერთ-ერთ სასტუმროს ნომერშ მომსახურე პერსონალმა გარდაცვლილი იპოვა.

"მიუხედავად იმისა რომ სასწრაფო დახმარება რამდენიმე წუთში გამოცხადდა უკვე დაგვიანებული აღმოჩნდა. სასწრაფოს ექიმების განცხადებით ფრიმანი რამდენიმე დღის გარდაცვლილი იყო. ექსპერტიზა ხვალ იგეგმება და სწორედ ექსპერტიზის შემდეგ გახდება ცნობილი როდის გარდაიცვალა ზუსტად 78 წლის მსახიობი" -წერდა ერთ-ერთი ქართული სააგენტო.

შეგახსენებთ, 78 წლის ლეგენდარულ მსახიობს მიღებული აქვს 4 ოსკარი, ფილმებისთვის „ქუჩის ბიჭი“, „მის დეიზის მძღოლი“, „გაქცევა შოუშენკიდან“ და „უძლეველი“. 2005 წელს კი მოიგო პრემია ფილმით „გოგონა მილიონ დოლარად“. ფრიმანს მიღებული აქვს ოქროს გლობუსი და კინომსახიობთა გილდიის ჯილდო.