დედა, რომელსაც სექსუალურობის დაკარგვის არ ეშინია - მისმა ფოტოებმა ინტერნეტი ააფეთქა

ეს საინტერესოა - 20:53, 29 Jan, 2016

32273

32 წლის ავსტრალიელი მხატვრისა და ბლოგერის, ორი შვილის დედის კონსტანს ჰოლის გულწრფელმა აღიარებამ სრულიად ინტერნეტსივრცე მოიცვა.

„შენ, ვინც პარკში დგახარ ტელეფონში თავჩარგული და შვილს ყურადღებას არ აქცევ, მოგესალმები. შენ, ვინც მეგობრებთან ერთად მიდიხარ კაფეში , სახლში კი ჭურჭლით სავსე ნიჟარა გაქვს დატოვებული, შენც მოგესალმები.

იყო კარგი დედა, მეუღლე, არ ნიშნავს იმას, რომ მთელი ცხოვრება სამზარეულოში გაატარო.

შენ, ვინც ახლა ექიმის ოთახში დგახარ და ელოდები, როდის გამოგიწერს ანტიდეპრესანტებს , მოგესალმები. ეს ნიშნავს, იმას რომ, არ ნებდები! მშობიარობის შემდეგ დეპრესიას - ამ საშინელებას ან შენ მოერევი, ან თვითონ მოგერევა, მაგრამ შენ ისეთი ძლიერი ხარ, ყველაფერს შეძლებ" - წერდა ჰოლი.

მის გულწრფელ პოსტს დიდი გამოხმაურება მოჰყვა, რამდენიმე წუთში მისმა ფოტოებმა ფეისბუკი და თვითერი მოიცვა. შედეგად გადაწყვიტა, რომ მშობიარობის შემდგომ დეპრესიასა და ზოგადად ქალის ჩვეულებრივ ცხოვრებაზე პოსტები ხშირად გამოექვეყნებინა.

"სულაც არ მრცხვენია იმის, რომ ჩემი სხეული მშობიარობის შემდეგ მოშვებულია, მუცელზე სტრიები მაქვს ან ისეთივე მკვრივი და მიმზიდველი არ არის, როგორც ჩემი მეზობლის. ცხოვრება ძალიან ხანმოკლეა იმისთვის, რომ მსგავს სისულელეებზე ვიდარდოთ. მთავარია, ჩვენი შვილები და საყვარელი ადამიანები ჯანმრთელები გვყავდეს და თუ მათ თმები დაუვარცხნელი ექნებათ, არც ეგ არის პრობლემა" - წერს ბლოგერი.

ბლოგერმა ქალებს კომპლექსებისგან გათავისუფლებისა და ცხოვრებით დატკბობისკენ მოუწოდა და ერთგვარი ვირუსული აქცია დაიწყო სახელწოდებით #likeaqueen. კონსტანსმა ქალებს სოციალურ ქსელში შვილებთან ერთად გულწრფელი ფოტოების გამოქვეყნებისკენ მოუწოდა, რომელზეც ისინი საცვლების ამარა იქნებოდნენ. წინადადებას დიდი გამოხმაურებ მოჰყვა. თვითერსა და ფეისბუკზე უკვე გამოჩნდა დედების ფოტოები წარწერით #likeaqueen.