ყველაზე საშიში მტერი და მეტოქე ზოდიაქოს ნიშნების მიხედვით

ეს საინტერესოა - 20:15, 28 Jan, 2016

10508

მტრობა, შური, ბრაზი ან ბოღმა ყველაზე დიდი მტერია ადამიანისთვის, უფრო მეტიც, ყველა ზემოთჩამოთვლილი თქვენს სიცოცხლესაც კი ამოკლებს. კონკურენტებიც საქმიან ურთიერთობაში სასურველია მათი თვისებებისა და ზნე-ჩვეულებების მიხედვით აარჩიოთ. ისინი ხომ შესაძლოა თქვენი ბიზნეს-პარტნიორებიც კი იყვნენ. მაგრამ თუ მაინც გყავთ ასეთი პარტნიორები ასტროლოგები გირჩევენ ქვემოთ ჩამოთვლილი ზოდიაქოს ნიშნებთან რაც შეიძლება ნაკლები გადაკვეთა და შესაბამისად, დაპირისპიება გქონდეთ.

ვერძი - პლანეტა მარსი, რომელიც ვერძის ზოდიაქოს მართვას მუდმივი ბრძოლის ჟინს და შემართებას უზრუნველჰყოფს ამ ადამიანების ხასიათში. ამიტომ უკონკურენტო, ან დაბალკონკურენტუნარიანი გარემო ვერძისთვის მოსაწყენი და უინტერესოა. იგი შესანიშნავი მებრძოლია, მაგრამ უჭირს სტრატეგიული დაგეგმვისას. ამიტომ ხშირად ბევრად უფრო სუსტი და გონებრივად გამჭრიახი ხალხი უგებს ჭკუაში. თუმცა, ღმერთმა ნუ ქნას, რომ ვერძმა ეს გააცნობიეროს, მერე ვაი ამ "გამარჯვებულს".

ლომი - ლიდერული სულის, ამაყი და თავმოყვარე ინდივიდია. მას მოსწონს უფროსობა, მოსწონს მართვა და დომინირება. რაც ყველაზე მთავარია, ეს მას შესანიშნავად გამოსდის. თუმცა, ხშირად ვერ იტანს კონკურენტებს და მაქსიმალურად ცდილობს მის სიახლოვეს უფრო მცოდნე, კომპეტენტური ან გამოცდილი ადამიანები ნაკლებად გააჭაჭანოს. თუ მაინც ისე მოხდა, რომ ლომს მეფის სავარძელში შეეცილეთ, მერწმუნეთ, მალე დაემშვიდობებით არამხოლოდ სამსახურს არამედ რეპუტაციას და ნდობას საზოგადოების მხრიდან თქვენი პერსონის მიმართ. ამ ყველაფერს კი ლომი უზრუნველჰყოფს ოსტატურად.

მორიელი - ყველაზე საშიში მტერი და იშვიათი საიმედო მეგობარია. თუმცა, ესეც მხოლოდ იმ შემთხვევაში, თუკი მისი და თქვენი ინტერესები მკვეთრად არ გადაიკვეთება. მორიელი ფრთხილი, ჭკვიანი, ინტუიციური და წინდახედულია. ფაქტობრივად "ეშმაკზე ერთი დღით ადრეა დაბადებული". ამიტომ, თუკი ისე მოხდა, რომ მიზანში ამოგიღოთ და არ მოეწონეთ, მერწმუნეთ თქვენგან შეუმჩნევლად და მუდამ ეყოლებით "რენტგენზე გაყვანილი". ხოლო თუ ისე მოხდა, რომ ღიად გაბედეთ მასთან დაპირისპირება ... არა, არა ხმაურიან სკანდალს და კონფლიქტს ამაოდ დაელოდებით. სამაგიეროდ, სწორედ მაშინ, როცა თქვენ ეს წყენა აღარც კი გემახსოვრებათ, მოულოდნელად გადაგიხდით იგი სამაგიეროს.