ჰააგის სასამართლოს მიერ აგვისტოს ომზე გამოძიების დაწყება მსოფლიო მედიის მთავარ თემად იქცა

მსოფლიო - 18:17, 28 Jan, 2016

2369

ჰააგის სისხლის სამართლის საერთაშორისო სასამართლოს გადაწყვეტილება, 2008 წლის აგვისტოს ომზე გამოძიების დაწყებასთან დაკავშირებით, მსოფლიო მედიაში დღის პოპულარულ თემას წარმოადგენს.

როგორც BBC წერს, აღნიშნულ გადაწყვეტიელბას საქართველი მიესალმება, ხელისუფლებაში კი აცხადებენ, რომ ეს ქვეყნის ინტერესებში შედის.

CNN- კი აღნიშნავს, რომ შვიდი წლის განმავლობაში , ეს გამოძების პირველი შემთხვევაა.

International Business Times-ი წერს, გამოძიება დაადგენს ჰქონდა თუ არა ადგილი, სამხრეთ ოსეთში მოსახლეობის გენოციდს.

სისხლის სამართლის საერთაშორისო სასამართლოს ოფიციალურ ვებ-გვერდზე გამოქვეყნებული ინფორმაციის თანახმად, სასამართლოს წინასწარი განხილვის პალატამ უფლებამოსილება მიანიჭა პროკურორ ფატუ ბენსუდას, რათა დაიწყოს გამოძიება შესაძლო კრიმინალურ დანაშაულებებზე, რომელიც ჩადენილ იქნა სამხერეთ ოსეთის რეგიონში, 2008 წლის 1 ივლისიდან, 10 ოქტომბრამდე.

ამ მოთხოვნით პროკურორმა სისხლის სამართლის საერთაშორისო სასამართლოს 2015 წლის 13 ოქტომბერს მიმართა, რომის სტატუსის 15'' პარაგრაფის თანახმად. 2015 წლის 4 დეკემბერს სასამართლოს წინასწარი განხილვის პალატამ 6,335 დაზარალებულის წერილობითი წარდგინება, 2008 წელს საქართველოს აღნიშნულ რეგიონში მიმდინარე მოვლენების თაობაზე.

მათი განხილვის შემდეგ სისხლის სამართლის საერთაშორისო სასამართლოს წინასწარი განხილვის პალატამ გადაწყვიტა, რომ არსებობს ყველა საფუძველი, რომ გამოძიება დაიწყოს, რასაც თავად სასამართლო კონტროლს გაუწევს.