შვედეთი აპირებს, ქვეყნიდან გააძევოს 80 ათასამდე მიგრანტი, რომლებმაც თავშესაფრის თხოვნაზე უარი მიიღეს.

შვედეთის შინაგან მინისტრის ანდრეს იგენის განცხადებით, მათი დეპორტაცია ჩარტერული თვითმფრინავებით მოხდება, მაგრამ ამას რამდენიმე წელი დასჭირდება.

ამ განცხადებებს წინ უძღოდა 15 წლის მიგრანტის მიერ ახალგაზრდა ლტოლვილთა ცენტრის თანამშრომლის მკვლელობა.

2015 წელს შვედეთში ევროპის მასშტაბით მიგრანტთა რეკორდული მაჩვენებელი დაფიქსირდა. უცხოური მედიის ცნობით, 163 000 ლტოლვილიდან დაახლოებით 55%-ის განცხადება თავშესაფრის თხოვნასთან დაკავშირებით დაკმაყოფილდა.