საფრანგეთის პრეზიდენტის, ფრანსუა ოლანდის განცხადებით, ვიდეო, რომელიც „დაეშმა („ისლამური სახელმწიფო“) გამოაქვეყნა, საფრანგეთს ტერორიზმის წინააღმდეგ ბრძოლაზე უარს ვერ ათქმევინებს.

"ჩვენ ვერაფერი შეგვაშინებს. ვერანაირი მუქარა ვერ მოახერხებს საფრანგეთის შეჩერებას ტერორიზმის წინააღმდეგ ბრძოლაში“ - აღნიშნა საფრანგეთის პრეზიდენტმა.

რადიკალურმა ექსტრემისტულმა დაჯგუფება „დაეშმა“ („ისლამური სახელმწიფო“) მორიგი ვიდეორგოლიგამოაქვეყნა, რომელშიც პარიზის ტერაქტების მონაწილეები ფიგურირებენ. მათ შორის თავდასხმების ერთ-ერთი ორგანიზატორი აბდელჰამიდ აბაუდიცაა, რომელიც სპეცოპერაციის დროს სამართალდამცავებმა მოკლეს. სავარაუდოდ, ვიდეომიმართვა ტერაქტებამდე რამდენიმე დღით ადრე ჩაიწერა. ვიდეომასალაში ჩანს, თუ როგორ კლავენ შეიარღებული პირები პატიმრებს და როგორ ატარებენ სამხედრო ტრენინგებს ახლო აღმოსავლეთში. მასალაში ასევე ჩანს პარიზის ის ადგილბიც, სადაც 13 ნოემბერს ტერაქტები განხორციელდა.