ISIS-მა პარიზის თავდასხმების ტერორისტების მონაწილეობით ვიდეო გამოაქვეყნა (ვიდეო)

მსოფლიო - 11:35, 25 Jan, 2016

2875

რადიკალურმა ექსტრემისტულმა დაჯგუფება „დაეშმა“ („ისლამური სახელმწიფო“) მორიგი ვიდეორგოლი გამოაქვეყნა, რომელშიც პარიზის ტერაქტების მონაწილეები ფიგურირებენ. მათ შორის თავდასხმების ერთ-ერთი ორგანიზატორი აბდელჰამიდ აბაუდიცაა, რომელიც სპეცოპერაციის დროს სამართალდამცავებმა მოკლეს. სავარაუდოდ, ვიდეომიმართვა ტერაქტებამდე რამდენიმე დღით ადრე ჩაიწერა. ვიდეომასალაში ჩანს, თუ როგორ კლავენ შეიარღებული პირები პატიმრებს და როგორ ატარებენ სამხედრო ტრენინგებს ახლო აღმოსავლეთში. მასალაში ასევე ჩანს პარიზის ის ადგილბიც, სადაც 13 ნოემბერს ტერაქტები განხორციელდა.

ვიდეოში საფრანგეთის პრეზიდენტის, ფრანსუა ოლანდის, პრემიერ-მინისტრ მანუელ ვალსისა და დიდი ბრიტანეთის პრემიერ-მინისტრი, დევიდ ქემერონის სახე წითელი წრით არის შემოხაზული.

შეგახსენებთ, პარიზში 6 ტერაქტი 13 ნოემბერს მოხდა, რომელსაც 130 ადამიანი ემსხვერპლა და დაშავდა 350. ტერაქტებზე პასუხისმგებლობა ე.წ. "ისლამურმა სახელმწიფომ" აიღო.

თავდასხმების განხორციელებისას 7-მა ტერორისტმა თავი აიფეთქა, ხოლო ტერაქტების სავარაუდო ორგანიზატორი, აბელჰამიდ აბაუდი სნაიპერმა გაანეიტრალა. თავი აიფეთქა ასევე ქალმა ტერორისტმა. კიდევ ერთი მთავარი ფიგურის სალაჰ აბდესლამისა და მისი თანამზრახველის ბედი ჯერჯერობით უცნობია. პოლიცია მათ ამ დრომდე ეძებს.