ერთი წლის წინ ექსპერტებმა შენიშნეს, რომ ფარაონ ტუტანჰამონის ნიღაბს, რომელიც მას მუმიფიცირების შემდეგ ეფარა სახეზე, წვერი მოტეხილი და შემდეგ მიწებებული აქვს. როგორც მოგეხსენებათ, ნიღაბი თითქმის 3000 წლისაა.

როგორც ვარაუდობენ, ნიღაბს წვერი ან შემთხვევით მოტყდა, ან სიძველისაგან მოირყა და ჩამოვარდა. რაც შეეხება მის მიწებებას, როგორც ჩანს, შეშინებულმა მუზეუმის თანამშრომლებმა მისი მიწებება სცადეს, რისთვისაც დიდი რაოდენობით გამჭვირვალე წებო გამოიყენეს.

ამ საქმესთან დაკავშირებით, ეგვიპტეში უახლოეს პერიოდში სასამართლო პროცესი გაიმართება, რომელზეც ეგვიპტის სახელმწიფო მუზეუმის 8 თანამშრომელი წარსდგება, სამსახურეობრივი გულგრილობისა და პროფესიული საქმიანობის სტანდარტების დარღვევისათვის.

გამოძიებით დადგენილია, რომ წვერი ოთხჯერ იყო მიწებებული, ისე რომ თანამშრომლებს დირექციისათვის არაფერი უთქვამთ.

ტუტანჰამონის ნიღაბი მუზეუმის ერთერთ მთავარი ღირშესანიშნაობაა.