აშშ ვიცე პრეზიდენტმა ჯო ბაიდენმა განაცხადა, რომ აშშ და თურქეთი მზად არიან სირიაში "ისლამური სახელმწიფოს" პრობლემა სამხედრო გზით გადაჭრან.

თურქეთის პრემიერთან აჰმედ დავითოღლუსთან შეხვედრის შემდეგ ბაიდენმა განაცხადა, რომ პრობლემის მოგვარების საუკეთესო გზა მშვიდობიანი მოლაპარაკებებია, თუმცა, თუ შეთანხმების მიღწევა ვერ მოხერხდა, აშშ ალტერნატიული გზებით იმოქმედებს.

"რაც შეეხება სირიაში პროცესების პოლიტიკური დარეგულირების საკითხს, ჩვენ არც ოპტიმისტური და არც პესიმისტური განწყობა არ გვაქვს - ჩვენი განწყობაა შედეგის მიღწევა ამ საკითხში," - განაცხადა ბაიდენმა.