,,ანონიმაიზერი“ დაიცავს თქვენს კონფიდენციალობას ფეისბუქზე

ეს საინტერესოა - 21:14, 23 Jan, 2016

2520

ფეისბუქის მომხმარებელები იმ ქვეყანებში, სადაც მაღალხარისხშია აყვანილი სპეცსამსახურების მხრიდან უკანონო თვალთვალისა და პირადი ცხოვრების შესახებ ინფორმაციის მოგროვების პრაქტიკა, შეძლებენ, ჰქონდეთ მსოფლიოს უმსხვილეს სოციალურ ქსელთან წვდომა ყოველგვარი შიშების გარეშე, პროგრამული უზრუნველყოფის ფუნქციის წყალობით, რომელიც აკავშირებს მომხმარებლებს ,,ანონიმაიზერთან“.

მოცემულ პროგრამას შეუძლია 100%-ით გაასაიდუმლოს თქვენი პიროვნება და ადგილმდებარეობა. ფეისბუქის აპლიკაცია სმარტფონებისა და ანდროიდის ოპერაციული სისტემებისთვის აღჭურვილია ახალი ფუნქციით. ის აკავშირებს ფეისბუქს პროექტთან ,, Tor Project“, რომელიც მომხმარებელს აძლევს შესაძლებლობას, გვერდი აუაროს ცენზურას და ეფექტურად უზრუნველყოს თავისი კონფიდენციალურობა. პროგრამული უზრუნველყოფა Tor არის უფასო და მხარდაჭერილია ვოლონტიორების მიერ, რომლებიც გამოდიან კონფიდენციალურობის დასაცავად.

ფეისბუქის მომხმარებელს ანდროიდიდან შეუძლიათ დააყენონ მობილური აპლიკაცია Tor-ი სახელწოდებით ორბოტი. აპლიკაციის ღილაკზე დაჭერით, ფეისბუქი ავტომატურად ჩაერთვება ქსელში Tor-ის მეშვეობით. აიფონი, რომელიც განსხვავეულ ოპერაციულ სისტემას იყენებს, ვერ დაკავშირდება Tor-ს და ანდროიდის ანალოგიური აპლიკაციის გამოშვება აიფონისთვის არ იგეგმება.

გამომდინარე იქიდან, რომ ფეისბუქის მომხმარებელთა რაოდენობის ზრდის დიდი წილი (ამ დროისათვის მთელ მსოფლიოში მის მომხმარებელთა რაოდენობა 1,5 მილიარდზე მეტია) ხდება აშშ-ს საზღვრებს გარეთ. ინდუსტრიის ანალიტიკოსები ფუნქცია ანონიმაიზერს განიხილავენ, როგორც სოციალური ქსელის აუდიტორიის შემდგომი გაფართოების ინსტრუმენტს, განსაკუთრებით მობილური ტელეფონების მომხმარებელთა შორის. ,,სინამდვილეში მიზანი მდგომარეობს იმაში, რომ გაუმჯობესდეს მოხმარების პროცესი იმ ადამიანებისთვის, რომლებიც ფეისბუქს დაუკავშირდნენ Tor-ის საშუალებით“ - განუცხადა CNN-ს ფეისბუქსი პრესმდივანმა მელანი ინსაიმ, რომელმაც ხაზი გაუსვა კონფიდენციალურობის მნიშვნელობას. ,,მთელ მსოფლიოში არის მოთხოვნა მეტი კონფიდენციალურობისა ინტერნეტში. ეს პროგრამა მისცემს ადამიანებს საშუალებას, გაუზიარონ თუ არა სხვებს თავისი ადგილსამყოფელი. ზოგისთვის ეს უბრალოდ ხელსაყრელია, მაგრამ ბევრისთვის - სიცოცხლისთვის საფრთხეს წარმოადგენს“ - აცხადებს როიტერთან საუბარში ფეისბუქის წარმომადგენელი.

პროგრამული უზრუნველყოფა Tor-ი თავის დროზე შექმნეს აშშ-ს სამხედრო -საზღვაო კვლევით ლაბორატორიაში საიდუმლო ინფორმაციების გადასაცემად ინტერნეტის მეშვეობით. ამ პროგრამის ზრდასთან ერთად იზრდებოდა კრიტიკა აშშ-ს სპეცსამსახურების წარმომადგენლებისათვის მუშაობის გართულების გამო.

Tor-ის გამოყენება ჩინეთში, ირნაში და სხვა დახურულ საზოგადოებებში არ იძლევა ინტერნეტთან თავისუფალი და უსაფრთხო წვდომის გარანტიას. ჩინეთის მთავრობა, მაგალითად, დიდი ხანია კატა-თაგვობანას თამაშობს Tor-თან და სხვა კონფიდენციალურობის დამცავ პროგრამებთან, რომლებიც ცდილობენ, იპოვონ საშუალება გვერდი აუარონ ე.წ. უდიდეს ჩინურ ,,ფეირვოლს“.