ობამა გადაწყვეტს იარსებოს თუ არა რუსეთმა

მსოფლიო - 16:45, 20 Jan, 2016

7878

ნავთობის ფასი რეკორდულად ეცემა. ერთი ბარელი WTI ტიპის ნავთობის ფასი 27.52 აშშ დოლარამდე დაეცა. "ბრენტის" ნავთობი კი 28.18 დოლარი ღირს. როგორც „როიტერი“ იტყობინება, მსგავსი დაბალი ფასი 2003 წლის შემდეგ არ დაფიქსირებულა.

ნავთობის ისედაც გადავსებულ ბაზარზე სანქციებმოხნილი ირანის გამოჩენამ ნავთობისგიგანტ ქვეყნებში პანიკა გამოიწვია. განსაკუთრებული შიში კი ამ მხრივ რუსეთში იგრძნობა. ექსპერტების მოსაზრებით, პუტინის რუსეთის უკანსვლის სიჩქარე დამოკიდებულია იმაზე თუ რა რაოდენობის ნავთობს გამოიტანს ირანი ბაზარზე. როგორც სჩანს, რუსეთის გაზის და ნავთობის საუკუნე, რომელზეც ასე მყარად იდგნენ „ჩეკისტები“, ზუსტად ოქტომბრის რევოლუციის ასი წლისთავისთვის დასრულდება. ასეთი სიურპრიზების შემოთავაზება შეუძლია ისტორიას. მრავალწლიანი შეზღუდვებისგან გათავისუფლებულები ირანელები მზად არიან მზისქვეშეთში თავისი ადგილის დასაკავებლად ბოლომდე იბრძოლონ.

ვინ არის ირანის მთავარი კონკურენტი? რა თქმა უნდა „დიდი“ რუსეთი, რომლის Urals-ის მარკის ნავთობის ფასი უკვე 26 დოლარს ჩამოცდა და ჯერჯერობით ბოლო ზღვარი ჯერ კიდევ არ ჩანს. ამ ისტორიაში საინტერესო და სასაცილო არის ის, რომ რუსების 89% მაინც დარწმუნებულია, რომ პრეზიდენტ პუტინს კიდევ აქვს შემორჩენილი საიდუმლო გეგმა და რატომღაც ის შეძლებს ირანს, ამერიკას და საუდის არაბეთს აჯობოს. სიმართლე არის ის, რომ ამ დროისთვის გადაწყვეტილებას, მისცეს კიდევ ერთი შანსი თუ დახუროს პროექტი სახელად „რუსეთი“, ამერიკის შეერთებული შტატების პრეზიდენტი იღებს, რომელმაც ევროკავშირთან ერთად უკვე მოუხსნა ირანს სანქციები.