პაკისტანის ჩრდილოეთ-აღმოსავლეთ რეგიონში ქალაქ ჩარსადაში მდებარე "ბაჩა ხანის" უნივერსიტეტზე თავდასხმის შედეგად დაღუპულთა რიცხვი 21-მდე გაიზარდა. დაშავებულია 50-მდე ადამიანი. ამის შესახებ "სიენენი" ადგილობრივ ხელისუფლებაზე დაყრდნობით იტყობინება. გარდაცვლილთა შორის ოთხი უნივერსიტეტის დაცვის თანამშრომელია, ერთი პოლიციელი, ორი სტუდენტი და ერთი ქიმიის პროფესორია. დაშავებულთანაგან ოთხის მდგომარეობა კრიტიკულია.

ადგილობრივი ხელისუფლების განცხადებით, მოკლულია 4 თავდამსხმელი, თუმცა სროლები ამ წუთებშიც გრძელდება. უნივერსიტეტის კამპუსი პოლიციას ალყაში აქვს მოქცეული.უსაფრთხოების სამსახურის წარმომადგენლებმა 63 სტუდენტის ევაკუაცია უკვე შეძლეს

შეგახსენებთ, უნივერსიტეტს შეიარაღებული პირები თავს დღეს დილით დაესხნენ. შეიარაღებული პირები უნივერსიტეტის კამპუსში შეიჭრნენ და სროლა ატეხეს. თავდასხმაზე პასუხისმგებლობა დაჯგუფება „თალიბანმა“ აიღო.

ქალაქი ჩარსადა პეშავარიდან 50 კილომეტრში მდებარეობს.