ამალ კლუნი მზად არის აზერბაიჯანელი ჟურნალისტის უფლებები სასამართლოში დაიცვას

მსოფლიო - 11:45, 20 Jan, 2016

1661

ცნობილი ადვოკატი, ჯორჯ კლუნის მეუღლე ამალ კლუნი მზად არის აზერბაიჯანელი ჟურნალისტის, ხადიჯა ისმაილოვას ინტერესები ადამიანის უფლებების ევროპულ სასამართლოში დაიცვას. ამის შესახებ კლუნმა NBC-სთან ინტერვიუში განაცხადა. გავრცლელებული ცნობით, ისმაილოვა და მისი ადვოკატი კლუნის წინადადებას განიხილავენ . ამალ კლუნი ბოლო წლებში მუშაობდა გახმაურებულ საქმეებზე, მაგალითად ეგვიპტესა და სომხეთში - იცავდა პატიმრებს, რომელთა სამართლებრივ დევნასაც უფლებადამცველი ორგანიზაციები პოლიტიკურად მოტივირებულად მიიჩნევენ.

შეგახსენებთ, ბაქოს სასამართლომ ჟურნალისტს, "რადიო თავისუფლების" აზერბაიჯანის ბიუროს შტატგარეშე თანამშრომელს ხადიჯა ისმაილოვას შვიდნახევარი წლით თავისუფლების აღკვეთა მიუსაჯა. ჟურნალისტს, გადასახადების თავიდან არიდებაში, უკანონო მეწარმეობაში, ძალაუფლების ბოროტად გამოყენებასა და ცილისწამებაში ადანაშაულებენ. სასამართლოს სხდომაზე ისმაილოვამ განაცხადა, რომ მის წინააღმდეგ არსებული ბრალდებები უსაფუძვლოა და აზერბაიჯანის ხელისუფლების კანონდარღვევებზე ისაუბრა.

ისმაილოვა, რომელიც საგამოძიებო ჟურნალისტიკით იყო დაკავებული, 2015 წლის 5 დეკემბერს დააკავეს. უფლებადამცველები მიიჩნევენ, რომ დაკავება პოლიტიკურად მოტივირებულია.