რუსეთი ევროსაბჭოს საპარლამენტო ასამბლეის სესიებს წლის ბოლომდე ვერ დაესწრება

მსოფლიო - 11:21, 20 Jan, 2016

1478

რუსეთი ევროპის საბჭოს საპარლამენტო ასამბლეის სესიებს წლის ბოლომდე ვერ დაესწრება. ამის შესახებ ასამბლეის პრეზიდენტმა ან ბრასერმა განაცხადა. როგორც "ფრანს პრესი" იუწყება, აღნიშნული გადაწყვეტილება მას შემდეგ მიიღეს, რაც მოსკოვმა ზამთრის სესიაზე დასწრებაზე უარი თქვა. "ვწუხვარ ამ გადაწყვეტილების გამო. ამის შედეგი კი იქნება ის, რომ რუსეთის ფედერაციის დელეგაცია ვერ დაესწრება ასამბლეის სეისებს 2016 წლის განმავლობაში, ან სულ მცირე რუსეთში მომავალ საპარლამენტო არჩევნებამდე" - განაცხადა ბრასერმა. რუსეთის მიერ ევროპის საბჭოს საპარლამენტო ასამბლეის ზამთრის სესიის გამოტოვების შესახებ გასულ კვირას რუსეთის დელეგაციის წარმომადგენელმა, ლეონიდ სლუცკიმ განაცხადა.

"ჩვენ გამოვტოვებთ იანვრის სესიას. ამის შესახებ წერილი საპარლამენტო ასამბლეის ხელმძღვანელს უკვე გადაეგზავნა" - განაცხადა სლუცკიმ. სლუცკის თქმით, რუსეთი ასამბლეას მას შემდეგ დაუბრუნდება, რ აც დელეგაცია ყველა უფლების დაბრუნების გარანტიას მიიღებს. "როგორც რუსეთის დელეგაციის ხელმძღვანელმა, სერგეი ნარიშკინმა განაცხადა, ჩვენ არ დავუშებთ რაიმე სახის დისკრიმინაციას ჩვენი დელეგაციის მიმართ" - აღნიშნა სლუცკიმ.უკრაინაში, კონკრეტულად ყირიმში, რუსეთის მოქმედებები გამო, რუსეთის დელეგაციას ევროსაბჭოს საპარლამენტო ასამბლეაზე ხმის მიცემის უფლება 2014 წელს ჩამოართვეს. რუსეთის დელეგაციამ სანქციების გამო, პროტესტის ნიშნად ასამბლეის სესიები გამოტოვა.