რუსულმა "გაზპრომმა" უკრაინულ "ნაფტოგაზს" 2,5 მილიარდი დოლარის გადახდა მოსთხოვა იმ გაზის საფასურად, რომელიც უკრაინას არ გამოუყენებია 2015 წლის მესამე კვარტალში. ამ თანხის გადახდას "გაზპრომი" 10 დღის ვადაში ითხოვს.

"გაზპრომის" განცხადებით,"ნაფტოგაზთამ" დადებული ხელშეკრულების თანახმად, ძალაში იყო პუნქტი - "მოიხმარე, ან გადაიხადე".

"უკრაინამ 2015 წლის მესამე კვარტალში ფაქტიურად უარი თქვა რუსული ბუნებრივი აირის შესყიდვაზე , ხოლო არანაირი შეთანხმება წესის "მოიხმარე, ან გადაიხადე"-ს არგამოყენების შესახებ არ ყოფილა," - ნათქვამია "გაზპრომის" ხელმძღვანელის ალექსეი მილერის განცხადებაში.

ამ ორ კომპანიას შორის არსებულ ხელშეკრულებაში აღნიშნულია, რომ უკრაინულმა კომპანიამ აუცილებლად უნდა გადაიხადოს კონტრაქტში აღნიშნული გაზის საფასური, მიუხედავად იმისა, გამოიყენებს თუ არა იგი მას, წინააღმდეგ შემთხვევაში "ნაფტოგაზმა" ჯარიმა უნდა გადაიხადოს.

აღსანიშნავია, რომ საერთაშორისო მოლაპარაკებების შედეგად, რომელშიც უკრაინა, რუსეთი და ევროკომისია მონაწილეობდა, 2015 წლის 1,2 და 4 კვარტალში "გაზპრომი" დათანხმდა შეეჩერებინა ეს წესი და მესამე კვარტალის საფასურის გადახდას ითხოვს.

უკრაინულ კომპანიას, ჯერჯერობით, კომენტარი არ გაუკეთებია.