აშშ-ს დაზვერვის სპეცოპერაცია რუსული აგენტურისგან მსოფლიო პოლიტიკური სისტემების გასაწმენდად

მსოფლიო - 15:38, 18 Jan, 2016

4832

ამერიკის დაზვერვამ დაიწყო სპეციალური ოპერაცია ევრპისა და მსოფლიოს პოლიტიკურ სისტემებში რუსული აგენტურის გამოსავლენად.

აშშ-ს ეროვნული დაზვერვის ოფისის დირექტორმა ჯეიმს კლაპერმა მიიღო მითითება კონგრესისგან, გამოიძიოს და გამოავლინოს ევროპულ პოლიტიკურ პარტიებში რუსული აგენტურის ჩანერგვის ფაქტები.

ამის შესახებ იტყობინება ბრიტანული გამოცემა ,,ტელეგრაფი“.

სპეცსამსახურებში თვლიან, რომ ევროპის სხვადასხვა პოლიტიკურ სისტემებში რუსული აგენტურის ჩანეგრვის მიზანს წარმოადგენდა ევროპის ქვეყნებს შორის ურთიერთობის დაძაბვა და ნატოს ერთიანობის შესუსტება, რაც შედეგად რეგიონში ნატო-ს ძალების მკვეთრ დასუსტებას გამოიწვევდა.

რუსული დაზვერვის განსაკუთრებულ სამიზნეს წარმოადგენს ამერიკული რაკეტსაწინააღმდეგო სისტემების განთავსება ევროპის ქვეყნებში, რუსეთის აგენტურის განსაკუთრებული აქტიურობა შეინიშნებოდა რუსეთის წინააღმდეგ სანქციების დაწეესების დროს ევროპის ქვეყნებს შორის კონსოლიდაციის ხელშესაშლელად.

როგორც ,,ტელეგრაფის“ წყარო იტყობინება, ,,ევროპის მასშტაბით ჩვენ ვხედავთ იმის ნიშნებს, რომ რუსეთის ცდილობს, შეიტანოს განხეთქილება მნიშვნელოვან სტრატეგიულ საკითხებთან დაკავშირებით“.

როგორც გამოცემა აღნიშნავს, რუსულმა აგენტურამ მცირე, მაგრამ გარკვეულ მიზანს მიაღწია საფრანგეთში. ერთ-ერთი პარტია ფაქტობრივად რუსეთის ეფესბეს მიერ იმართება, ეს არის მარი ლეპენის ,,ნაციონალური ფრონტი“. საფრანგეთის საინფორმაციო საშუალებებში უკვე რამდენიმე წელია რეგულარულად წამოიჭრება ხოლმე თემა საფრანგეთის ულტრამემარჯვენე პოლიტიკოსებსა და ჩეკისტებს შორის ურთიერთობის. ეს პარტია არის კრემლის დასაყრდენი, ხოლო მარი ლე პენი პუტინის ერთ-ერთი აღტაცებული თაყვანისმცემელი.

ტელეგრაფის წყაროს ცნობით, რუსული აგენტურა აქტიურად იყენებს ევროპული პროპაგანდის საშუალებებს.