ბავარიელმა პოლიტიკოსმა, ქალაქ ლანდსჰუტის ადმინისტრაციული ოლქის ხელმძღვანელმა, პიტერ დრაივერმა გერმანიის კანცლერის, ანგელა მერკელს მიგრანტებით სავსე ავტობუსი გაუგზავნა.

ამის შესახებ გერმანული გამოცემა Die Welt-ი იტყობინება და ფაქტის ამსახველ კადრებას აქვეყნებს.

დრეიერი მსგავსი ქმედების განხორციელებით ანგელა მერკელს ჯერ კიდევ გასული წლის ოქტომბერში დაემუქრა.

„თუკი გერმანია მილიონ მიგრანტს მიიღებს, მათემატიკური გამოთვლების მიხედვით, ჩემს რაიონში 1800 მიგრანტს მივიღებთ. პრობლემა არ არის, მათ მივიღებთ, მაგრამ თუკი ამაზე მეტი იქნა, მათ თქვენს ოფისში გავაგზავნი“ - განაცხადა დრეიერმა მერკელთან სატელოფონო საუბრისას.

როგორც Die Welt-ი წერს, პოლიტიკოსის თქმით ბავარიას მიგრანტებისთვის ღირსეული ცხოვრების პირობების შექმნა არ შეუძლია.

"ყოველთვის მომხრე ვარ, რომ ამ ადამიანებს ღირსეული ცხოვრების შესაძლებლობა მიეცეთ და არა დროებით თავშესაფრებსა და გიმნაზიებში, ან მსგავს ადგილას ვამყოფოთ. ჩვენ უბრალოდარ შეგვიძლია უზრუნველვყოთ ამდენი ადამიანისთვის შესაბამისი საცხოვრებელი ადგილი" -განაცხადა დრეიერმა.