კინოსა და თეტრის ინგლისელი მსახიობი, ლეგენდარული ალან რიკმანი 69 წლის ასაკში გარდაიცვალა. მსახიობი სიმსივნეს ებრძოდა. რიკმანის გარდაცვალების ცნობა, მისმა აგენტმა დაადასტურა.

ალან რიკმანის ყველაზე წარმატებულ ფილმებს ჰარი პოტერი, Die Hard, Truly Madly Deeply და Robin Hood: Prince of Thieves წარმოადგენს.

"ჰარი პოტერის" ფილმებში ალანი სევერუს სნეიპის როლს ასრულებდა.

რიკმანმა ძალები რეჟისურაშიც მოსინჯა. მან გადაიღო საკმაოდ გულისამაჩუყებელი ფილმი "ზამთრის სტუმარი". ფილმმა ვენეციის კინოფესტივალის ჯილდო და კიდევ რამდენიმე პრემია მიიღო. 200 წელს ალანმა გაახმოვანა პატარა ავი თევზი ჯო მულტფილმში "მიშველეთ! მე თევზი ვარ." ალანი საზოგადოებრივ ცხოვრებაშიც ძალიან აქტიურად იყო ჩართული და აქტიურად ეხმარებოდა ისეთ ორგანიზაციებს, როგორიცაა Amnesty International და "Children on the Edge". 2001 წელს ითამაშა ნოელ კოვარდის პიესის მიხედვით დადგმულ სპექტაკლში "Private Lives". პიესა 2002 წლის 6 იანვრამდე თეატრების სცენებიდან არ ჩამოსულა.

რიკმანმა მთავარი როლი შეასრულა რობერტ სტურუას "ჰამლეტში" "Riverside Studio"-ში. სტურუასთან მუშაობისას ალან რიკმანი სამჯერ იმყოფებოდა საქართველოში: პირველად 1979 წელს, შემდეგ კი 2007 და 2009 წელს და რუსთაველის თეატრის სცენაზეც გამოვიდა.