როგორც „ალ ჯაზირა“ ადგილობრივ პოლიციაზე დაყრდნობით იტყობინება, დაღუპულთა შორის 5 ტერორისტი, 5 პოლიციელი, 7 კი მშვიდობიანი მოქალაქეა. გავრცელებული ცნობით, დაკავებულია 2 ტერორისტი.
შეგახსენებთ, ჯაკარტას ქალაქის ცენტრალურ ქუჩაზე მდებარე პოლიციის შენობასთან ექვსი აფეთქება მოხდა, რასაც დაუზუსტებელი ინფორმაციით, 12 ადამიანი ემსხვერპლა. არიან დაშავებულებიც, თუმცა მათი ზუსტი რაოდენობა უცნობია. როგორც "სიენენი" ჯაკარტას პოლიციაზე დაყრდნობით იტყობინება, აფეთქება სავაჭრო ცენტრთანაც მოხდა, რასაც სროლის ხმა მოჰყვა. ერთ-ერთი აფეთქება კი გაერო-ს შენობასთან ახლოს მდებარე "სტარბაქსის" კაფესთან განხორციელდა, რა დროსაც ჰოლანდიის მოქალაქე, გაეროს თანამშრომელი დაშავდა, ერთ-ერთი აფეთქება თვითმკვლელმა ტერორისტმა განახორციელა. თავდასხმებში დაახლოებით 7 მებრძოლი მონაწილეობდა. ადგილობრივი მედიის ცნობით, თავდამსხმელები სავარაუდოდ, "დაეშის" ("ისლამური სახელმწიფო") წევრები არიან.
მასალის გამოყენების პირობები






