თურქეთის ქალაქ დიარბაქირში პოლიციის განყოფილებასთან მომხდარი აფეთქების შედეგად მინიმუმ 5 ადამიანი დაიღუპა.
ადგილობრივი მედიის ცნობით, დაშავებულია 36 ადამიანი.
აფეთქების შედეგად დაღუპულთა შორის არის ქალი და ერთი მცირეწლოვანიც. მსხვერპლის შესახებ დამატებითი ინფორმაცია ამ დრომდე არ ვრცელდება.
გავრცელებული ცნობით, პოლიციის შენობასთან მანქანა აფეთქდა, რომელშიც სავარაუდოდ, ასაფეთქებელი მოწყობილობა იყო მოთავსებული. აფეთქება იმდენად ძლიერი იყო, რომ დაზიანდა ახლომდებარე შენობები.
შეგახსენებთ, ამ კვირას , ეს თუქეთში მომხდარი მეორე თავდასხმაა. 12 იანვარს სტამბოლის ცენტრში, სულთანაჰმედის მოედანზე თვითმკვლელი ტერორისტის მიერ თავის აფეთქებას ათი ადამიანი შეეწირა.
როგორც თურქეთის ხელისუფლებაში აცხადებენ, აფეთქება ექსტრემისტული დაჯგუფება „დაეშის“ ( "ისლამური სახელმწიფოს") მებრძოლებმა განახორციელეს.
მასალის გამოყენების პირობები






