მსახიობმა ლეონარდო დიკაპრიომ ელენ დეჯენერესის შოუში აღიარა, რომ მისი ცხოვრების ერთ-ერთი ყველაზე საშინელი მომენტი იყო, როდესაც რუსეთში მიფრინავდა. ისტორია დკაპრიომ რუსული აქცენტით მოყვა, რომელსაც Elite Daily-იმ „ყველაზე სექსუალური“ აქცენტი უწოდა.

როგორც დიკაპრიომ შოუში ისაუბრა, თვითმფრინავით მგზავრობისას , ფანჯრიდან შენიშნა, რომ ერთ-ერთი ძრავი იწვოდა.

„როგორც ჩანს, მე ერთადერთი ვიყავი, ვინც ეს ნახა. ძრავი იწვოდა, სალონში კი მხოლოდ რუსები იყვნენ. გავიფიქრე კიდეც, რომ მოვკვდი და სამოთხეში ვარ, რადგან ჩემ ირგვლივ ყველა ჩუმად იყო. მე მთელი ძალით ვყვიროდი: რა ჯანდაბა ხდება? ამის შემდეგ სალონში სტიუარდესა შემოვიდა და თქვა, რომ პატარა პრობლემა გვქონდა“ - ყვება მსახიობი და მაყურებელს ერთ-ერთი მგზავრის პაროდიას სთავაზობს, რომელმაც იკითხა - „ რა ხდება?“

კითხვაზე ბორტგამცილებელმა უპასუხა, „ჩვენ ერთი ძრავი დავკარგეთ.“

„და რამდენი ძრავი გვქონდა“ - იკითხა მგზავრმა.

„ორი“ - უპასუხა მან.

„დაა ახლა რამდენი დაგვრჩა“ – „ერთი“ - პასუხობს ბორტგამცილებელი“ – ელენ დეჯენერესის შოუშო, ლეონარდოს მიერ რუსული აქცენტით მოყოლილმა ისტორიამ მისი გულშემატკივრების და არა მხოლოდ, აღფრთოვანება გამოიწვია.

საბედნიეროდ, თვითმფრინავი მშვიდობიანად დაეშვა.