ბარაკ ობამა კონგრესს უკანასკნელად დღეს საღამოს მიმართავს

მსოფლიო - 16:42, 12 Jan, 2016

1771

დღეს საღამოს აშშ-ის პრეზიდენტი ობამა უკანასკნელად მიმართავს კონგრესს ყოველწლიური მოხსენებით სახელმწიფოს მდგომარეობის შესახებ. ამ მოხსენებით პრეზიდენტი კონკრესს მომავალი წლის საქმიანობის გეგმას გააცნობს და შეასრულებს აშშ-ის კონსტიტუციით დაკისრებულ მოვალეობას, რომელიც კონგრესისთვის დროდადრო ქვეყნის მდგომარეობის შესახებ ინფორმაციის მიწოდებას გულისხმობს. აშშ-ის ისტორიაში, უკანასკნელი რამდენიმე ათწლეულის განმავლობაში კიდევ ერთი ტრადიცია ჩამოყალიბდა: ღონისძიებაზე დასასწრებად იწვევენ საგანგებო სტუმრებს, რომლებიც პრეზიდენტის გამოსვლას პირველი ლედის ლოჟიდან უყურებენ. დღეს საღამოს 23 საგანგებო სტუმარია მიწვეული. მათ შორის არიან სირიელი ლტოლვილი რეფაი ჰამო, რომელიც ამერიკაში ემიგრაციამდე არაერთ ტრაგედიას გადაურჩა; სპენსერ სტოუნი, ერთ-ერთი იმ გმირთაგანი, რომელმაც ევროპაში ტერორისტული თავდასხმა აღკვეთა და ლიზა ჯესტერი, არმიის თადარიგის პირველი ქალი ოფიცერი, რომელმაც რეინჯერთა ურთულესი სკოლა დაამთავრა.

შეგახსენებთ, 2016 წლის შემოდგომაზე ბარაკ ობამას მეორე საპრეზიდენტო ვადა ეწურება . ესაბამისად, 2016 წელი აშშ-ში საპრეზიდენტო არჩევნების წელია.