ამერიკელი ფსიქოლოგების მიერ ჩატარებული საინტერესო და სახალისო გამოკითხვა, ინტერნეტსივრცეში აქტუალურობას არ კარგავს. ქორწინებაზე, ოჯახზე, ურთიერთობებზე დასმულ რთულ შეკითხვებს, პატარებმა გულწრფელი და სახალისო პასუხები გასცეს.

რა უნდა გააკეთო, პაემანმა თუ მოსაწყენად ჩაიარა?

"მერე სხვა ბიჭს უნდა შეხვდე პაემანზე. თუ ამ პაემანმაც მოსაწყენად ჩაიარა, მერე სხვას და თუ ასე გაგრძელდა, შინაბერად უნდა დარჩე“ - 5 წლის გოგო.

"გავიქცეოდი და საწოლის ქვეშ დავიმალებოდი. და კიდევ, ტელევიზორში დავრეკავდი და ვეტყოდი, გამოეცხადებინათ, რომ მოვკვდი და აღარ შევხვდებოდი" - 5 წლის გოგო.

როდის შეიძლება, ბიჭს/გოგოს რომ აკოცო?

"გოგოს კოცნა არ შეიძლება მანამ, სანამ ბეჭდისთვის ფულს არ შეაგროვებ. მე ცოტა ფული მაკლია და ვიყიდი" - 6 წლის ბიჭი.

"მთავარია , ხალხმა არ დაგინახოს და შეგიძლია აკოცო, ვისაც გინდა" - 6 წლის გოგო.

როგორ ავირჩიოთ ქმარი ან ცოლი?

"იმასაც ის უნდა უყვარდეს, რაც შენ. მაგალითად, შენ გიყვარს ფეხბურთი, ცოლს კი სახლში სულ გამზადებული აქვს ჩიფსები და პოპკორნი" - 9 წლის ბიჭი.

"დედა ამბობს, რომ მე ჭკვიან და კეთილ ბიჭს შევხვდები... მაგრამ მე მგონია, რომ მაღალ და ცისფერთვალება ბიჭს ავირჩევ" - 7 წლის გოგონა.

რომელია ქორწილისთვის საუკეთესო ასაკი?

"დაახლოებით 75 წელი. როცა ამხელა ხარ, შეგიძლია აღარ იმუშაო და მთელი დღეები ლოგინში იკოტრიალო და ერთმანეთი გიყვარდეთ" - 8 წლის გოგო.

რაშია ბედნიერი ოჯახის საიდუმლო?

"ცოლს უნდა ეუბნებოდე, რომ ის ლამაზია, თუნდაც დილით გეჩვენებოდეს, რომ ის ფუტკრებმა დაკბინეს" – 8 წლის ბიჭი.